Laimi or Chinmi vialte iralring taktak hna usih. Hibantuk thil hi kanmah Laimi or Chinmi cungah kum fatin tein a cang lengmang mi asi. Aliamcia caan zeimawzat chung zongah hibantuk mihlen hmang konghi online kip ah rak langhter asi pin ah, hi bantuk hlennak hi atu le tu ti awk in a chuak mi thil asi caah iralrin ngaingai ahau.

Tutan ah hlennak konghe pehtlaiin hitihin an langhter tthan. Mah minu hi a theimi nan um maw? Mah minu nih hin ka hawinu Mawitei cu Tuluk company ah mi achia lengmang mi asi tiah a chim.Atu ah hin ka hawi le hna cu Muse ah an um cuahmah lio asi. Ka hawi le hna cu mah minu nih Mawite he a chawnhter hna.

Mawite nih a timi hna cu kan lak hna man ah kawlram tangka in tingkhat cio nan ka pek ahau lai tiah a ti hna. Asinain an i chawnh hnu ah kawlram tangka in thong 50 pek dingin hnatlaknak an tuah. Mawite nih a timi hna cu nanmah sin ah ara dingmi hi Tahan in thaizing an rak i thawh lai. Nan tangka cu rak ka kua uh tiah a ti hna.

Minung pakhat ah thong 50 an thawhcio i, Wave Money in an hei kuat. Cu an kuat khawh a zan lila in an chawnhmi a tlaih piak ti hna.Tangka an kuat lio ah hin Tahan ah ka um lio asi tiah aa chim ti si. Ka hawi le hna cu lungrethei vansang au in an um i,a tanglei ah ka vun langhtermi nu hi an call tthan nain an call a tlai duh fawn hlei ve lo.

Hmunkhat ah an rak ttangtti tinak arak si. Kawlram thong 50 hi tthenkhat caah cun zeipi asi lonain tthenkhat caah cun afak ngaingai mi asi.Atuartu caah afak ngaingai mi thil asi. An hlen ruang hna ah ka hawi le hna cu atuhi Muse ah an um i, Hotel lungrethei ngai in an um lio asi tiah atu ca athlahtu nih a chimchih.

Zaangfah tein mah minu hi a theimi nan um ahcun rak kan bawm hram ko. A hawinu Mawitei timi he hin kan tlaihkhawh nak hnga caah siseh midang an hlen tinak hnga lo zaangfah tein mah minu a theimi paoh nih thawng rak kan thanh hram uh tiah Essy Tuallawt nih thawngzamhnak Group pakhat ah a ttial.

Credit: Essy Tuallawt (CSM)/Chinlungpost