Atu lio vawleipi nih a ṭihmi zawtnak ṭihnung taktak a simi Wuhan Virus a ngeimi an karh chin lengmang cang. China, Wuhan khuapi in a chuakmi Coronavirus vawlei cung ramkip ah a phan ngawt cang i Singapore cu ṭihnung bik dirhmun ah dirpi rampi a si tiah an phuan.

Ṭihnung bik dirhmun RED (asen) a phan rih lo nain a senmi tang (RED) Orange dirhmun a phan cang i mi 40 nih zawtnak an ngeih cang tiah Singapore ngandamnak zung pakhat nih phuannak a ngei. Cu minung 40 lakah Myanmar nute zong ai tel ve tiah theih a si.

Wuhan Virus zawtnak ngeimi kawl nute Pyae Sone nih a chimmi cu ” Kan umnak a pi a dam lo i, a dam lonak cu ni 4 a tling cang. A zawtnak a ka chawnh ve i sizung kal dingin ka nawl len nain a duh lo. Nitin ka pi he cun leng kan chuak lengmang i ṭangfah,khuh, taklinh le hrawm fak ngaiin kan um. Hi tiang dirhmun kan phak hnu zongah sizung ah cun kan i piah hlei lo i zeidah ka tuah ti zong ka thei ti lo. Kapi cu kan hnuthla ah China in a rak tlungmi a si” tiah a tar.

A pi cu China ram in a rak tlung i Singapore ah thlakhat fai a um cangmi a si i an sin umnu kawlnu Pyae Sone nih cun a dang fah kong l ea um a nuamh lonak cu a pi a chimh i a pi nih cun zei ah a rel piak lo. A pi zong cu a khuh lengmang ko nain zei poilo in a um. Nikhat Bazar ah a kal cu ruah lo piin a tlu i sizung ah tlikpi cawlh a si. Sizung ah cun kawl Pyae Sone cu an rak check i a cuap ah Wuhan Virus zawtnak a ngei tiah sibawi te nih a chim.