Rakhine ramkulh Minbia khuapi pawngah February ni (27) zaan ah AA le ralkap an i kap i khuami nu pakhat a nunnak a liam i chinnu telh in minung (5) nih hliamhma an tuar tiah kan theih. A poi taktak kahdohnak ruangah sualnak zeihmanh ngei lomi khuami hna nih hibantukin harnak le thih le lohnak an ton hi cu a poi hringhran ko.

Chinnu hi fa (6) ngeimi a si. Cun a min hi Ma Phyo ti a si Sittwe sizung ah an thlawpbul dingin sibawite nih an ti lio a si.Cu konghe pehtlaiin Ma Phyo nih a chimi cu ” Meithal in kah thawng i zaan suimilam 10:00 PM in khua in kan theih. Cuticun zinglei suimilam 2:00 AM tiang an i kap i meithal kah thawng daih loin a thang chin lengmang. Keimah zong ka ṭih tuk i ka ṭhut sawh lio ah cun ka liangah kuan nih a khanh” tiah a chim.

A poi tuk hringhran hibantukin ralkap le ralkap i kahdohnak ruangah khuami nih atu bantukin harsatnak an ton hi cu a poi ngamsam. Thlawpbul caah a herhmi si le ai man zong liam a herh caah sifak rethei an si tikah cawi chawm in a thlawpbul cuahmah lio a si tiah theih a si.