Nizaan Chandel district Jopi khua Manipur ah pakhat cu ramvaihnak a kal i anmah khuami ram a rak vai vemi pakhat nih Sakhi ruah in a kah i a va zoh tik cu anmah khuapa tu thi lakin a rak kah diam. Cu pa cu vanchiat ah a hmun ah a nunnak a liam colh ti asi.

A kaptu pa nih Sokholet ti asi i, amah nh a chimning ah cun Ngamlala hi ka kah hramhram mi a si hrimhrim lo. Keimah nih cun Sakhi taktak ah ka ruah caah ka kahnaak asi, ka kah hramhram asi lo tiah a chim ve. Cheukhat nih an chimning ve ning ahcun a kah hramhram ko a si lai tiah a titu zong an um len ve. Comment zoh tik zongah a a kah sual mi asi hmanh ah thongthlak hrimhrim ding a commenttu an um len.

Hibantuk thil ah hin kan i ralrin ngaingai a herh ko. Ramvai mi hrimhrim nih cun kan i ralrin taktak aherh. Hibantuk thil hi mi ramdang lawng nih an tonmi asi lo. Kanmah Laimi zong a tongmi tampi an um i, theih khawhmi tampi an um. Cucaah ramvai/ramriakmi nih kan i ralrin ngaingai a herhmi thil asi. Source: ZLT Connecting The Zo People