Thantlang ah Porchine Circovirus Type-2 (PCV-2) ruangah vok 40 leng an thih cang tiah Veterinary Department Officer Dr. Lian Bwe nih cun a chim. “June thla chungte lawngah vok 44 an thi cang. Asinain June 27 hnu cun vok a thimi an um ti lo,” tiah nawlngeitu Dr.

Lian Bwe nih a chim. April thla thawkin Thantlang vok pawl cu virus raungah rawl zong an duh lo an ei kho lo. An dam lo i cuticun an um hnuah an thi tawn. Thla 3 chungah vok a thimi zat hi 234 leng a si tiah theih a si. Atuhi Thantlangah vok hruai zong an khap. Cun,vok kawm paohpaoh si in an kah dih i vok zuar zong khap a si. Chirchan: TTP

Thawngpang dang rak rel chih: Tuluk (China) ram in corona virus chuah ruangah vawlei a ummi vialte tampi an nunnak a liam lawng si loin khuazei ram kip harnak a kan pek. Lung rethei le thinphang in a kan chiah cuahmah lio ah cun vok in a chuakmi virus thar an hmuh than rih tiah thiamsang hna nih an chim.

Hi virus thar hi vok sinah an hmuh ii minung hi fawi tein a chawnh khawh hna tiah ralrin an pek. Minung caah tihnung virus zawtnak pakhat a si khawh caah thinphang a sitiah zong an chim. Cu caah vok zohkhenh tu hna le voksa zuartu hna caah a bik in tihnung ral a um tikah tha tein ralrin nak zong an pek hna. Hi virus nih hin minung a chawnh sual ahcun minung pakhat le pakhat kha fawi taktak in chawnh khawh a si.

Cu lawng silo in hi virus hi HIV/AIDS bantuk in a thiang kho tilo mi a si lai caah vawlei cung minung vialte zawtnak he then loin um a fawi te tiah zong an thinphang ngaingai. Microsoft arak sertu pa Bill Gates zong nih 2015 lio ah khan hi zawtnak hi ralrin nak a rak pek bal cang mi a si. A chim kum 5 rauh hnu ah Corona Virus cu Tuluk ram in achuak taktak tlawmpal ah Vok virus chuah aa tim than hoi.

Tuluk ram in corona virus ruangah minung 10,000000 leng nih zawtnak an ngeih cang ii minung 50,0000 leng an thi cang. A bik in America ram corona virus a ngeimi hi 20,0000 leng an si ii 10,0000 leng an nunnnak a liam mi an si. Vawlei cung ram 36 hi fak taktak in an tuar cuahmah lio si nain ram 15 hi cu zawtnak a thiang pah cang tiah an chim. A tulio virus a zual bik ram cu America, Brazil, Russia le India hi an si. India ram chung cu mizaw an karh tuk caah vawlei cung sizung ngan bik tiin New Delhi ah an on. Mizaw ihkhun 3000 leng in mizaw an conghhramh liopi a si ko.

Hi corona virus ruangah harsa taktak in vawlei cung nih an tuar lio cuahmah lio ah cun Tuluk ram in vok in virus thar an hmuh than tikah thiamsang pawl nih voksa ei ral rin ding le vok tonghtham tuk lo dingin ralrinnak mipi sinah a pek. Ref: RFA Burmese