Tuchun Hakha thawngpang theih cu lung a nuam lo hringhran. Nikhat ah vanchiatnak voithum a tlung. khuaruahhar lei hna khi a si. Cu pathum thil a cangmi cu an Motor cangh sual ruangah a nunnak a liammi tiang an um. Ṭha tein ruah ahcun khuaruahhar lei hna hi a si.

Tuchunte lawngah Hakha minung pathum an nunnak an nunnak a liam. Tuzing Vaupi 4/20/2020 ah Sayaci Thang Cem nih mual a kan liam tak. Sayaci Thang Cem a thihning cu hitihin a si; damlo in a um hnu ah sii a dinmi aa ziak lo i, saya Thang Cem cu a takpum ah hma an chuak i nizan hrawng khan a hun zualhma ngaingai i tuzing suimilam 4:00 hrawngah a nunnak a liam ti thawng kan theih.

Cu bantuk ṭhiamṭhiam in tuzing suimilam 10:00 tluk hrawngah thing a phurmi SKAT motor cu Hakha Thar le Hniarlawnthar karlah a tla i minung (2) an nunnak a liam. Cu an nunnak a liammi hna cu Rual Tling Cung (kum 25) nle Ram Ṭha Hmung (kum 21) hna an si tiah theih a si.

Tuchun ah thil cangmi konghe pehtlai in Salai Tluangte nih a facebook cahmai (Timleine) ah tuchun Hakha thil cang pawl aṭilami hna kan vun copy i kan tar. Cucu a tanglei kan chiahmi a si. Rak rel ve hmanh ruah ngaingai ah cun khuaruahhar ngai hna khi a si.

Salai Tluangte: Tuchun Hakha Thawngpang cu theih an nuam lo tak. 1.Suimilaam 11:00AM ah motor cang sualnak in tlangval pahnih an nunnak a liam.

2.Suimilaam 7:30PM tluk ah motor pakhat Kouhkun lam pial ah a cang sual than i Electric tung a pah (anmah cu hliam an tuar hraw lo.)

3.Suimilaam 7:40PM tluk Amazon sianginn lam pial ah motor le cycle an i pah than. Credit: Salai Tluangte