Facebook lei nih Dr. Ngun Cung Lian warning an pek lawng si loin phung na buar ti ruang ah a comment cheukhat zong an hlonh piak. Facebook lei nih a comment cheukhat pawl an hlonh piaknak a ruang an langhter mi cu “Facebook Community phung na buar, huatnak bia aa tel ti ruang ah an hloh piak lawng si loin, Account Warning tiah Yellow an pek” mi zong hmuh khawh a si.

Facebook lei nih warning an pek mi kong he pehtlai in a thin hunnak tam pi a langhter ve. A si nain a bia chim zoh tikah minung pakhat khat nih tuah hramhram hna seh law cu bantuk cu a dawh pah.

“Na ngamh taktak a si ahcun ka Facebook account hi hlonh, New York Biaceih zung a sang taktak mi ah kan i tong lai.Community hranwghrang zulhphung ti bantuk te hna cu rak chim len hlah uh. Kawlram ah fim cawnnak sang a ngei mi tampi rian loin a um mi an tam tuk” ti bantuk in ca tampi a tial. A catial mi zoh tikah Upadi lei kong zong a langhter chih len i “ Ka facebook account status ah ca nan langhter mi nan hlonh colh lo ahcun hmai tonh in kan i hmu hna lai, ti bantuk in ca tampi a tial chih. Tutan a catial mi le a hmanthlak tar mi zoh chih tikah minung pakhat khat nih tuah hramhram hna sehlaw cucu a dawh ngai mi asi. (Laikokekjournal)

Thawngpang dang rak rel chih:
By Salai Lairamthang
Trump nih Social Media Caah Executive Oder A Chuah. Twitter nih President Donald Trump catial mi cu censor [ fact Check] an tuah caah Tuchun ah President Donald Trump nih executive oder a chuah hnawh hna.

President Donald Trump nih minsen a thut lio ah a chimmi cu, ” American mipi nih zalong tein chimrelnak nawl kan ngeihmi cu kan runven a herh.”social media nih mipi kha an duh poah in an kan nawnnok ding a si lo,mizapi ipehtiahnak kha an duhning poah in remh piak, thlen piak le thuhnawh piak ding an si lo. mah ti hin an tuah lengmang mi hi kan zoh sawh ding a si lo, a fair lo tuk. Social media nih tanhhlei ngeih le censor tuahmi nih mipi kan zalonnak kha a hnursuan tiah a chim.

Tuchun ah President nih a nawlngeihnak executive hmang in Social media hna caah phung thar ser kan herh, social media hna nih zeibantuk ramkhel party hmanh censor nan tuah hna ding a si lo, mah bantuk censor tuah a hmangmi cu federal cozah sin in bawmhnak le tuanvo kan laak piak ti hna lai lo tiah a chim.

President Donald Trump nih cacawn ni hnih ni ah khan twitter ah cakuat bawm in thimfung thlak ttih a nunning, hrawk hrawl a fawining le thimfung fir a fawinak kong a tial. Mah a tialmi cu Twitter nih a dik le dik lo fact check [ censor] an tuah i, a dih lomi a si” an ti piak. President Trump nih Twitter pawl cu “cakuat bawm in thimfung thlak hrawkhrawl khawh a si lo nan timi hi cu nan molh tuk bia a si”. tiah a ti hna.

Twitter i fact check tuahtu lutlai, “Head of Site Integrity” cu Yoel Roth timi pa a si. Mah pa hi Donald Trump le Republican a hua taktak mi a rak si. Donald Trump a ttanhtu pawl, supporters, cu, “ACTUAL NAZIS,” tiah a autu hna asi. Republican Senate Majority Leader, Mitch McConnell zong voihdur” a “bag of farts.” tiah a autu pa a si.