Mipi nih ruahchannak kan ngeih bantukin UN nih Myanmar (ralkaap) cu hremnak a pe kho taktak rih lo i sualpuhnak le mawhchiatnak ca lawng a chuah. A dongh bikah UK le Eu hna cu um sawhsawh thiam loin Myanmar ralkaap cu a fah khawh chung fakin hremnak pek ding tiah an chuahpi i UN members tampi nih an hnatlakpi hna.

Asinain, zei bantuk hremnak, mawhchiatnak le sualpuhnak hmanh Myanmar ralkaap nih an cohlang kho lai lo tiah Myanmar ralkaap ai-awih in in UN ah biachimtu U Myint Thu cun UN member pawl sinah a chim ve tiah theih a si.

U Myint Thu nih a chimmi cu,“UN nih myanmar ralkaap a hremnak a pekmi hna cu Myanmar ralkaap nih a cohlang kho lai loh. Ralkaap nih nalwngeihnak a laknak a ruang cu thimnak ah thil dik lo (hrokrol in thimnak) a um ruangah a si. Cuti si loin UN nih hremnak pakhatkhat Myanmar ralkaap cu a pek ahcun, ralkaap nih Democracy taktak kalpi aa timhmi cu caan a tlaiter menmen raungah kan cohlan gkho lai lo,”tiah U Myint Thu nih cun a chim.

 

UK le EU nih Myanmar ralkaap hrem dan ningcang an chuahpimi cu ram tampi nih an cohlan in an duh ko nain, Russia, China le Phillipines hna nih an ramchung buainak a si ko caah anmah tein i tawlrel ko hna seh an in tawlrel kho ko lai. Kanmah va i thlaknak le i tel a herhnak a um lo i hremnak pek zong a herh lo tiah an duh lonak an chim ve. Asinain, Vote in an lak tikah hremnak pek a duhmi Vote nih a teinak caah hremnak an pek ko lai, nain zeitindah hremnak an pek hna ning a si lai timi cu UN nih a ceihṭhan lai. Chirhchan: BBC

____

Copyright © Chin World News Evening