Mitlau Kawl Bawmhhalnak. Malaysia Facebook hawi le hna ka nau pa Pa Hnin Thang (A kum -33) a hmu mi le a umnak athei mi nan um sual ah cun a tanglei phone no le Messenger ah hin thawng rak ka thanh te uh tiah kan nawl hna.

Lamhlat ah rian a tuan nak in kan pehtlai khawh tilo nak caan asau cang caah chungkhar lei nih bawmhhalnak thawng kan rak thanh mi si. Facebook hawi le vialte nih Share in rak ka bawm ve uh tiah kan nawl hna. Chungkhar lei nih dam te in a um ko timi kha thawng theih kan duh bik mi cu si. Salai Pakhia: 012-6775291. Kuala Lumpur, Malaysia. Salai Pa Khia

Thawngpang dang rak rel chih: A Chim Bantuk In A Tuahmi President Donald Trump. US President a cuhmi paoh nih election lai ahcun cucu ka tuah lai, khakha ka tua lai tiah election campaign lio ah mipi lunglaaknak le lemsoinak ah an chim cio. Asinain a chimning bantuk in a tuah taktak mi nak in a tuah lomi an tam deuh lai tiah ka zumh.

President cheukhat cu Election campaign an tuah lio ah mirum tampi sin in phaisa bawmhnak an laak, Media pawl duhning zawng in bia an chim, teinak an hmuh taktak tik ah phaisa a bawmtu hna, media lei in a bawmtu hna duhning loin rian an tuan ngam ti lo. Cucaah thil dik an tttanh ngam lo, media duhning le a bawmtu hna duhning lawng in rian an tuan. Media nih a dik loning in thil an chim zongah an I theihter ti lo. Media duh zong in bia an chim. Asinain President Trump cu adik lomi ah ahohmanh a care hna lo. Media zong nih thil dik lo an phun ahcun a dik lonak a soisel ngam hna.

President Donald Trump cu mirum a si caah aho bawmhnak phaisa laak hau loin election campaign tuahnak phaisa a ngeimi a si. President thla hlawh zong a laak lo caah tihding le aho mithmai zoh ding a ngei lo. A dik a timi cungah fek tein a dir. Aho mihmai hmanh zoh a tim lo. US ram pumpi thatnak lawng a tuakmi a si. Media mithmai le phaisa in a bawmtu mithmai zong a zoh lo.

US rampi huap caah a tha a timi cu soisel a ton zongah a pah chih. Mirang, Minak Asia tiah aho mithmai a zoh lo. US ram pumpi caah atha a timi cu raltha tein a tuah. US ram caah a thatnak a si ahcun ramdang mithmai zong zoh a tim lo. Ramdang president ka si lo, US mipi nih thimmi president ka si caah US mipi le US ram ca thatnak caah ka tuan lai ” tiah a chim tawn.

A chim bantuk tein vawleicung khoika ram hmanh a tih hna lo. US ram thatnak caah cun ramdang mithmai zoh a tim bal lo. President Trump nih president a chuah hlan election campaign lio tein ka tuah lai tiah a chimmi chung in a tuah cangmi cu a tanglei ah ka thil chihmi pawl an si. Caṭialtu: Salai Lairamthang