Tuchun Coronavirus Update le Ranrin Ding. US ah minung 9 an thi cang. An dihlak tein Washington State in an si. State 13 ah zawtnak hrik an hmuh cang. Minung 128 an zaw cang. Kawlram cu a lin tuk le Virus a nung kho lo tiah Kawlram lei in an ka chimh le ka zum kho lo. Ralrin poah cu a sualnak a um lo. Ralkap pawl belte hmai khuh he an dihlak in hluttaw meting an kai.

1. Na kut thiang tein ttawl lengmang. Kut ttawl hi khamhnak tha bik a si. 2. Kan taksa kua chung in a lutmi si caah na hnar kua, na mit, le na hnakhaw tongh lo izuam. Rawl ei hrimhrim ah kut in ei lo ding. 3. Mi kut tlaih hrial khawh izuam. A herh lo ah mi kut tlaih lo ding. 4. Shopping kal, puai kal iranril kan hau cang. Leng na chuah i na kir le cangka na kut ttawl lengmang. A herh lo ahcun leng chuah lo ding a si lai. Eidin ding zong voikhat kal ah tam deuh in i cawk cia ah a tha. Hmai khuh le sanitizer zong a si khawh ahcun i cawk cia ah atha.

Biakilh: Coronavirus kong hi Chin miphun zong biatak tein kan i ralrin taktak aherh cang. Kan ram ah a phan lai lo ti chim khawh a si hrimhrim lo. Tih a nung chin lengmang i zawtnak hrik a karh chin lengmang cang. Hi zawtnak a semnak China nak hmanh in ram dang ah a karh deuh cang World Health Organization (WHO) nih cun a langhter. Cucaah i ralrin cio hna u sih! Credit: Salai Lairamthang