Ngaihchiatnak thawng-Thantlang Peng Ngaphaite khuami Pu Bawi Vung (Pu Beivai) cu rilfonghlei operation tuahnak in Thantlang sizung October 17 chun suimilam 12:00 tluk ah a nunnak liam, tiah kan theih.

“Amah hi, Operation an tuahnak hih sii (meh-sii)tamtuk an pek hleiah, Operation tuahnak khan in an chuahpi hnu tlawmpal ah a taksa fak (a ngan fak) tuk i, mizaw zohkhenhtu nurse pawl nih zeirel huaha loin hi bantuk cu a si tawnmi a si ko tiin nurse an daitlang deuh ruangah a si tiah,”Pu Bawi Vung a umpitu ngaphaite khuami pakhat nih cun a chim.

Pu Bawi Veng hi kum 38 a upa si i Fa 4 a ngeimi a si. Operation tuahtu Dr. Lily nih a chimning ahcun, “hih-sii (meh-sii) kan pekmi hi hawi zat tluk tein kan pek ve ko nain a thisa nih a chei deuh rua lo,” a ti. Pu Bawi Vung ruak cu Thantlang sizung in an chuahpi hnu ah, Ngaiphaite khualei ah zaanlei suimilam 2:30 Pm tlukah an kalpi cang tiah kan theih. Chirchan-The Ngephesizo Post

Biakilh-Atu lio cu Chinmi (Laimi) chungin ngaihchiatnak a tongmi kan tam ngaingai. Cun, atu lio cu kan theih cio bangin Covid-19 pulrai zawtnak ruangah ruak zong lungduh in hmun khawh a si lo tikah, chungkhar caah lungdi riam a har ngaingai lai. Tutan zongah  Thantlang ah Pu Bawi Vung ruak nih mual akan liam taak. Tantaakmi chungkhar Bawipa nih hnem hram ko hna seh!

Mizaw a zohkhenhtu nurse pawl zong kan i ralrin taktak aherh cang. Mizaw nih ka taksa, ka taksa nuam lo tiah a ti ahcun, Sibawi sinah cucu kan chimh piak hna awk kha kan rian a si. Minung cu a thazaang therdawm deuhmi le a thazaang ṭha deuhmi kan um tikah, fahnak tuar kho loin a nunnak a liammi an um ṭheo tawn. Cucaaah nurse pawl zong i ralring cang hna usih.

Admin hmurka: Chinworldnewsvening nih thawngpang kan ṭialmi hi kanmah nih  kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan tialmi hi areltu mipi caah thathnem santlaih, theihtlei ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan tialmi kan palhnak a um cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Thawngpang kan ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Cun, kan ca a kan rel piaktu nan dihlak cungah kan ilawm. Upatnak he-Admin