Thantlang Palik Inn Thlang Khuasa Inn 80-100 karlah Cu Khuaci An Mui,Lam Loin Palik Nih An Chiah Hna. A poi Tipin Cun chim awk um tilo, Thantlang Palik zung-sakhan tlang in zunghmun sang dawng 80-100 karlak khuasa cu Palik nih Thirhri an kulh hnawh hna caah lungre thei le ngaihchia in khua an sa. Palik nih an luhchuahnak Lampi thirhri in an phih piak hna tikah luhchuahnak an ngei tilo, eidin facang an cawkmi zong Diltlang cungin an tumkaipi.

An chuah luhnak an phih piak ding hna a si cun an phih hlan ah chin cozah sin ah lamthar an chuah luhnsk an tuah piak awk hna a si. Hibantukin thil an tuahmi hi Ralkap uknak he ai dannak pakhat hmanh a umlo.Hibantukin thil an tuahmi hi cu khuanupa zong an ngaihchia tuk, an ngeihchiatnak cu keimah the Thantlang post network ngeitu sin ah an sang upa pakhat nih phone aa ka chawnh i a ka chimh rak kan tialpiak tiah a ti caah ka tialmi si.

Hi thil kongah sang dih lak zong lamlo in minung fa velo bang an um hi an lung fahnak cu aan ka chimh. Saram kan si rihlo lam ngeilo tiangin aa kan chiahmi cu kan lung fak tuk tiah upa pakhat min chim lomi nih phone chungin aa ka chimh.A chim rihmi cu Zaan le bangah cun diltlang cung le an kan kham kanhmi thirhri kar in kan i tenh i kan lut chuak tiah an chim.

Cafang palh sualmi um cun ka ruat thiam u phone si caah, laptop ka ngeih khawh cun Thantlang thawngpang tha tein thanh khawh kai zuam peng lai. Ka page hi like le share in ka bawm peng u. Source: The Thantlang Post Network

Thantlang innkaang update: Thang Hrim sia zuatnak hmun um mi inn a kaang, minung aa hliam mi an um lo. Chin Ramkulh, Thantlang khua phak lai Pu Thang Hrim sia zuatnak hmun ah a um mi Pu Ram Ceu Thang inn cu 2021 January 21 zaan suimilaam 1:00 hrawng ah a kaang, tiah kan theih.

“Innkaang mi hi Pu Ram Ceu Thang inn a si. Dot hnih a si i a dihlak in a ciam ko. An sungh mi a man hi kan tuak thlu rih lo,” tiah Thantlang Sakhanhmu Pu Thla Hmung nih The Hakha Tines ah a chim.

Tutan Thantlang inn kanghnak ah minung aa hliam mi an um lo. Asinain, meheh 4, uico 2 le ar 10 a kaanghchih hna. Pu Ram Ceu Thang a inn hi Thantlang in meng 4 a hlatnak ah a um mi a si. Pe 24×16 a kau i canphio cih mi inn a si. Coka in mei kaangh aa thok i a inn dihlak in a tleih, tiah kan theih. 2021 chung ah Chin Ramkulh chung i inn a kaangh hi atu in a voi thumnak a si cang. Hakha ah inn 3, Falam ah inn 6 le Thantlang ah inn khat an kaang, tiah kan theih. Photo& Credit: The Hakha Times

____

Copyright © Chin World News Evening