Thailand ram Samut Sakhon ah COVID-19 zawtnak a karh lengmang ṭhan ruangah STI Precision Factory i Myanmar rianṭuantu minung 23 cu Factory ngeitu nih Palek an ra lai tiin a ṭhihphaih hna i ramtang ah chiah hna dingin midang a phurhter hna tiah theih a si.

Lampi an kal cuahmah lioah Myanmar rianṭuantu minung 9 hna nih Factory ngeitu biachim cu zum loin ramtangah hlonh an si lai ti an theih ruangah lampi ah cun an ṭum i an hawi le inn ah an kal. Cun, a dang minung 14 zong nih ramtang ahcun kan chiah (hlonh) hram sawh hlah uh. Asi khawh ahcun, Banfali rianṭuannak zung ah kan hawi le an um i cu ka ahcun kan chia deuh uh tiah an nawl hna.

Cuti i minung 14 nih zaangfahnak an hal hna tikah mawṭaw mawngtu hna nih an chimning bang cun Banfali rianṭuannak zung (Factory) ah cun an kalpi hna. Asinain, Banfali Factory ngeitu pa zong nih a rak cohlan in a company ah a luhter duh hna loh.

Zan suimilam 11:00 Pm tiang cuticun an um i lampi i cuti an buai cuahmah lioah cun palek pawl nih an chuah hnawh hna i an check colh hna. Myanmar minung 14 lakah minung 6 lawng nih Passport an ngeih i midang paoh cu Passport ngei lomi an si. Cu hlei ah COVID-19 i checknak ca an ngeih lo ruangah an dihlak in an erhkhum hna.

Thailand Palek nih STI Precision Factory ngeitu cu phone an chawnh i thil umtuning an hal cuahmah lio a si. Atu bantukin Myanmar rianṭuantu pawl nihsawhtu le minung ciocio a si ko mi hlonh a timtu Company ngeitu cu hremnak pek phu a si tiah Bangkok Post nih a taar.

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Na relmi thawngpang hna hi midang nih an rel khawh ve nak hnga aṭha tiah na ruahmi a um ahcun share in rak kan bawm ve. Kan ca a kan rel piaktu nan dihlak cungah kan ilawm. Upatnak he Admin