A Poi Taktak. Tedim Khua Chungah SAC Ralkap Nih Hriamngan An Thlah!

Chin News

The Chin Post: Tedim Khua Chungah SAC Ralkap Nih Hriamngan An Thlah! June 12 zan Sml 9:15 hrawngah SAC ralkap nih Tedim khuapi chung cu Hriamngan in an kah tiah khuami hna nih DNA ah an chim. ” Suimilam tung tang um mi inn pakhat le Tamah wayarmah cozah riantuan hna riakbuk in khan 2 a peh mi, Sizung, Ngunkhuai Zung, Palik sakhan tanglei um mi inn hna cu kuan nih a tlak i thlalang awng hna an kuai. Minung a hliam mi an um le um lo kan thei kho rih lo ” tiah an chim.

May be an image of text

SAC ralkap le CNF karlak kahdohnak ah SAC ralkap nih Tadim khuapi chung tiang in hriamngan in pehzulh in an kah tiah khuami hna nih cun an chim. CNA hi cu hlan cu kahdohnak deihnak ding caah minsen a thut mi tlangcung hriamtlai phu pakhat an si. Peace Process Steering Team – PPST zong ah an i tel nain SAC ralkap nih hramhram nawlngeihnak a lak hnu in dothlennak cozah a si mi NUG he i bawm in SAC ralkap hna a dotu Chin miphun Ralkap an si.

Thawngpang dang: Yesakyo Le Myaing Ah SAC Ralkap Tilawng An Kah I Ralbawi 1 Tel In Ralkap Le PyoSawHti 10 An Thi. Sagaing ramthen, Magwe ramthen he a tonnak Yezakyo peng le Myaing peng hna ah SAC ralkap hna an i cit mi seh tilawng hna cu mizapi vengtu ralkap phu nih June 12 ah an kahdoh hna i Ralbawi 1 tel in SAC ralkap le PyoSawHti 10 an thi tiah theih a si.

June 12 zinglei Sml 4:30 hrawngah SAC ralkap hna an i citmi seh tilawng hna cu Irrawaddy tiva thlanglei ah seh on lo in Maydaw (မယ်‌ေတာ်)khua lei ah thli tein an kal lio ah mizapi vengtu ralkap phu hna nih lamtan in an kah hna i kaphnih kahdohnak a chuak, SAC ralkap a thi mi zeizah an si ti cu kan fianh kho a si rih lo.

Zinglei Sml 8:00 zongah SinChuang khua thingkung tang um SAC ralkap 10 cu mizapi vengtu ralkap hna nih an kah hna i SAC ralkap 2 an nunnak a liam tiah theih a si. Zinglei Sml 8:30 ah NgaingDo ( ‌ေညာင်တို)khua khualai um thingkung tangah Ralbawi le NgaingDo khuabawi hna bia an i ruah lio ah mizapi vengtu ralkap hna nih Inaga in an kah hna i Ralbawi tel in NgaingDo khuabawi Win Lwin , PyoSawHti phu chungtel San Khine, SAC ralkap 3 an thi tiah theih a si.

Kahdoh an si hnu ah SAC ralkap nih PanNgo( ပန်းညို) khua in 60 mm kahding in an i timhtuah lio ah mizapi vengtu ralkap hna nih Sniper in an kah hna caah SAC ralkap 1 a thi chap. Mizapi vengtu ralkap nih 50mm in voi 2 an kah than hna i SAC ralkap nih khuami hna cu an tlaih hna i ralkham ah an hman hna caah mizapi vengtu ralkap phu cu hnu an tolh than.

Cu kahdohnak cu MyinMu Civil Revolution Force, Myaing peng mizapi vengtu ralkap phu le security phu- CDSOM- PDF TALOKE၊ MGN TIGER၊ MGN RANGER၊ Shwe Ao Revolution Force၊Hnalung Hla Lumeih Kyi Phu( နှလုံးလှ လူမိုက်ကြီးများအဖွဲ့)၊ Myaung Fighten 27 Revolution Force၊ YSO – ISA (ရေလယ်ကျွန်းပြောက်ကျားတပ်)၊ Wolf Brothers Phu le Myaung Famer Defense Force hna i bawm in an tuah mi kahdohnak a si.

Leave a Reply