A poi taktak-Ralhrang pawl nih Rev. Bual Sang an tlaih, zeidah a cang ti theih a si ti lo

Chin News

Breaking: Update: 11:00 PM – Ralkap nih Cinkhua khua ah Rev. Bual Sang an tlaih. Ralkap nih nihin April 7 zaanlei sang ah, Pastor Cung Lian Thawng an tlaih i Hakha Palek Thonginn ah biahalnak an ngeih hnu ah an thlah than. Nain, Cinkhua ah a ummi Pastor Cung Lian Thawng a pa Rev. Bual Sang cu zaan ah an va tlaih tiah theih a si.

Pastor Cung Lian Thawng an tlaih i thlah hnu ah, Ralkap pawl hi Cinkhua lei ah kal. Cinkhua khua ahcun, Ralkap nih Rev. Bual Sang cu an kalpi ko tiah kan ruah. Ralkap a thlah hna rua tiah kan ruah ko, nain a chuah tilo tik ahcun, Ralkap nih an kalpi ko tiah Khuami nih lunghrinh a si tiah kan theih.

Rev. Bual Sang an tlaihnak kong le kalpi nak kong ah zeihmanh biafiang theih a si rih lo. Asinain, Rev. Bual Sang a fapa Pastor Cung Lian Thawng an tlaih i biahalnak an tuahmi kong cu Kawl lei in thilkuat a phan mi kong he pehtlai in a si tiah theih a si. Source: The Chinland Post

Biakilh: Hlat cuahmah mi thawng a si.

Thawngpang dang-Bago, Tharyawrwaddy khuapi ah khuasa patling pakhat Jar Lay cu Nation League for Democracy (NLD) Official (hruaitu) a si i ralkap nih hramhram uknak an lak hnu February 1 in ralkap uknak duhlonak lamzawhnak ah a tel peng ve tiah theih a si.

February 10 ah ralkap nih COVID-19 phung zulh, nawl a buar tiah taza an rak cuai i tlaih dingin an kawl. Asinain, hmundang ah a rak kal manh ruangah atutiang an tlai kho rih lo. An inn ah voi 6 renglo an va kal hnawh cang nain, amah a um lo ruangah a nupi le a fale a chungkhar pawl cu an rak hrocer tiah theih a si.

Ralkap nih a cuticun an hrocer lengmang hna ruangah a nupi zong hmundang ah a zaam ve i a fanu kum 4 mi cu a hringtu a nu sinah a chiah taak. April ni 5 ah kawl ralkap lei nih Jar Lay i a fanu kum 4 mi, a tunu kum 2 mi, a nupi i hringtu a nu, a nupi a ṭapa 2 le a nupi i a nau le hna cu an tlaih hna i Tharyarwaddy palik sakhan an kalpi hna. Biahalnak an tuah hna hnuah ralkap umnak hmunpi ah an kuat hna. Suimilam 15 chung an hren hna hnuah zaan suimilam 8:00 PM ah an chuah ṭhan hna tiah theih a si.

NLD palai Jar Lay nih a chimmi cu,” Keimah peih tlaih an duhmi le taza an cuaimi cu ka si cu, an ka tlaih duh si le ka kawl hna seh. Sualnak ngei lo ka fanu ngakchia an tlaihmi cu vawlei cung phunghrampi an buar, ngakchia covo zong an buar an hrawh. Atu bantukin ngakchia tete an tlaihmi hna cu ngakchia ruatnak an hrawh hna a si,”tiah Myanmar Now sinah a chim.

Biakilh: A leng lei hmanthlak kan taarmi kanmah nih a remcanning kan in rak taarmi si. Ahman an taar chih lo caah, kanmah nih a remcanning kan taarmi a si ti careltu lei nih nan kan theihthiam piaknak lai kan in nawl duh hna.

Leave a Reply