A Poi taktak: Pathian hmanh si hna sehlaw, kan zum kho ti hna lai ti bakin an ti cang hna

Chin News

NLD Nih Leitak(Zipi) an Hlen Hna-thSeptember2020)Hnaring lei an kalnak lamthluan in an kir lei (10th September2020) Zipi(Leitak) khuami he Suimilam tlawmpal tonnak an ngei. Cu an i ton lioah Zipi( leitak) khuami upa Pu Tial Hnin nih “Certual cawhnak le sii peknak inn(ဆေးပေးခန်း) nan kan pe kho hnga maw” tiah a hal hna.

Chin State Hlawttaw House Speaker Pu Zo Bawi nih “certual cawhnak cu sing 70 kan in pek hna. Sii peknak inn tucu cozah kan chuah ahcun kan in ruah piak hna lai” tiah a leh hna. ” Khuami zong kan i lawmh ngai ngai lio ah MP Pi Ni Sui Lian a rak phan than i Pu Zo Bawi chimmi kha a hman lomi a si” tiah a ti than hna.”Cu tiin MP Ni Sui Lian nih a chim hnu ahcun khuami cu lung rawk in kan um ko” tiah Pu Tial Hnin nih cun a chim.

Hi thawngpaang kan theih tik ah khuami vialte kan lung a fak, khua chingchan nih an theih tik ah kan ningzah zong kan celh lo. NLD in min ngei lawngte an si fawn tik i hi bantuk bia an kan chimh tung ni zarh hmanh a luan hlan ah hi thil a can cu Pathian hmanh si hna ai kun. Kan zum kho ti hna lai lo” tiah khuami pakhat nih a lung fahnak cu a chim ve.Caṭialtu:Thantlang Pate

Caṭialtu: Salai Tin Maung Win|Chan Sau Na Duh Ahcun CNLD Vote! Chan Tawi Na Duh Ahcun NLD Vote! Politics i ai timh bik mi (ultimate goal) cu kakip in thanchonak a si.Cucaah kan inn tual cio hmanh ah airport hi ngeih cu a tha.Nain thanchonak hi zeilam in dah kan kal pi lai timi hi a bia pi.Ram dang ka chuah tak hnu kum (18) ah a voikhat nak Thantlang ka phan.

Zunghmun Baptist Church Krihfa buu le staffs hna he biaruah tawite kan ngei.Ramdang na chuahnak a sau cang sikaw,zeitluk in dah aa thlen cang,hlan nak cun kan thangcho tuk ko lo maw tiah an ka ti.An mitthlam ah a cuang mi cu lam a tha.Inn tha a tam i a karh tbt kha a si kha ka theihziar.A si ahcun Thantlang ahhin mah tein paw cawm khawhnak a hmun mi rian a ngeimi maw nan tam deuh a ngei lo mi dah?Cucu thanchonak tahfung pakhat a si ka ti.

Hi ruang ah pei US ahkhin rian thar a lut mi cazin (Job report) khi thlakhat ah voikhat an chuah lengmang.Rian thar a lut mi an tam ahcun an economy a kai ti nak khi a si.Donald Trump nih Mexico border meng rel cawk lo vampang a sak caah economy a kai ti um lo.

Lam le ti le mei tbt pawl cu infrastructure ti a si i Union chungtel kan si ve caah Union cozah nih Budget pek kha a rian hrimhrim a si.Thanchonak ti tikah Fim cawnnak lei ah thanchonak,ngandamnak leiah thanchonak, satil zuatnak le lothlawh nak lei thanchonak,economy lei ah thanchonak sector tam tuk an um.

Atu lio ah anih le a nih an i kop lai i chinram cu a thangcho bak ko lai ti phun ruahnak hman lo a ngeimi kan tam ngai.Chin ram thanchonak taktak kong hi pumpak in tuan khawh mi rian a si lo.A biapi bik rian ngeitu cu Chin ram cozah rian a si.

Zeitindah an tuan lai?Economy kong a si ahcun kan milu le khuati le fing le tlang,khuaram umnak hmun hoih in policy an tuah hnu ah Chin State Hluttdaw nih dun le dan (legislation) an tuah lai.State Hluttdaw nih a tuah khawh lo mi cu Union Hluttaw ah an va nor lai. Hi ruangah Amyotha Hluttaw le Pyithu Hluttaw candidate hi thil theimi le biachim kho an si a herh ngai.

A tawinak chim ahcun ram cozah nih rian a tuan khawh le khawh lo tahfung cu a tuan chungah mipi caah a thahnem mi dun le dan (legislation) zei zat dah a tuah khawh?A tuahcia legislation cu a hlawhtling maw tling lo (Fail or success) timi kha a si.

A si ahcun a luancia kum (5) chungah chinram NLD cozah nih Chin mipi caah dun le dan pa zeizat dah an ser khawh?Politics mit cuanh ningcang a si.Infrastructure rian cu zei party hmanh tling seh law union cozah sin in hal khawh zat in amah tein a kal ve thiam thiam ding a si. Cun NGO rian zong mipi caah a thathnem ve thiam thiam ko.Nain caan tawite ca,thawchuahnak menmen (Relief) ca lawng a si. Cozah nih dun le dan in ser chuahmi thanchonak cu can saupi a nguhmi kha ai hmuitinh mi a si ti kha kan then thiam a herh lai.

Chinram NLD party cu 2015 President Thein Sein Chan lio i Tlangcung mi covo tete kongah upadi in an sermi chung hmanh in Chinram caah zei dun le dan thar hmanh chim awk tlak an ser chuah khawh lo caah tutan cu CNLD hi vote a tlaknak a ruang pakhat cu a si.Chan tawi maw nai thim lai? Chan sau dah? Chan sau nai thim ahcun CNLD vote!

Leave a Reply