Nizaan February 14, 2020 ah khan Kalaymyo Rithaisii dohtu phu hna nih Kalay peng Duwaichaung khuate ah a um mi Suan Ram Kim Lian (kum 34) cu a inn ah an va luh hnawh i Rithaisi (Bing 0.0031 Kl) tam taktak an tlaih tiah theih a si. Biahalnak an tuah tikah cu rithaisi cu Luai Mang (kum 26) sinah cawkmi siin an langhter.

Cuticun, Rithaisii dohtu phu hna nih cun Salai Cin Luai Mang Motorcycle an check tthan tikah Motorcyle chungah tuammi bing (0.033 kl) tam taktak an hmuh. Rithaisii dohtu phu Palik pawl nih cun Cin Luai Mang inn cu an va check chih i US serchuak meithal zunkhat (Colt Ar-15/Glr 16-s) le rithaisii a tlang 39600 le bing (0.088) hna an hmuh tlaih chih tiah theih a si.

Kan miphun chungin hibantuk thil tuahmi hna kan um hi cu a poi hringhran ko. Kanmahtu nih a doh in kan doh ding thil asinain, hibantuk in kanmah lila nih kan tuahmi hi cu a poi ko. Khrihfa biaknak he cun ai ral ngaingai. Police lei nih Suam Ram Kim Lian (kum 34), Cin Luai Mang (kum 26) le an hawipa pakhat cu Rithaisii case in tlaih in taza zong an cuai cawlh hna hi a si. Ref: Zalen