A poi taktak NLD nih Hakha khuathar Pu Khuk Thang a innhmun an chuh -VIDEO

Chin News

Acozah lei nih thawngthanh le ca peknak um loin innhmun an chuh. Minung pakhat nih thimfung/Mee ka poh i hi innhmun hi ka ngah tiah innhmun a cuh hna i taza a cuai hna. Cu pa nih cun tazacuainak ah a tei hna. Cucaah, innhmun a rak ngeitu Pu Khuk Thang nih thil sining a chim.

“Hi innhmun an pekmi pa hi kan kian kho loh! Zeitik hmanh ah kan kian lai loh! Kannih sifak santlai lo, chimpiaktu a ngei lomi cu kan inn le kan lo tiang hmanh nan ṭhial lai an kan timi hi kan lung a fak. Midang kan ca ah hin tah President hi an um lo ma, anmah chung ca lawng ah ma a si, NLD ca lawng ah ma a si?” tiah acozah lei thanhnak um loin innhmun Acre 10 chuh a tongmi Pu Khuk Thang nih a chim.

Atu bantukin Acozah lei nih thawngthanhnak le ca peknak zeihmanh um loin innhmun chuh hi cu a poi taktak khi a si. Acozah daithlan ruangah le sifak santlai lo thleidan ruangah hibantuk thil hi a um ṭheo tawn. Innhmun chuh a tongmi Pu Khuk Thang biachimmi nih kan ram hruaitu ṭhenkhat an lungfim ter hram hna seh!

A chim bantukin midang caah President hi an um lo maw? NLD thazaang apetu caah lawngah maw NLD nih rian a ṭuan lai i hma a lak lai? Hihi a fak taktakmi thleidannak le mi zeireilo taktak a si ti khawh a si. Tehte ṭha tein a ngeihmi atu bantukin innhmun chuh a tongmi an um hi cu kan Chinram cozah cu ngaihchia ngaingai a si. VIDEO ah tlamtling tein rak ngai ve law, na hmuhning comment ah rak langhter ve. Chirhchan: The Chin Journal

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ahpehtlaih khawh peng kan si. Cun, kan ca a kan rel piaktu nan dihlak cungah kan ilawm. Upatnak he Admin

Leave a Reply