Hi ca ka hmuh cu ka lau ngaingai!! Nan lau cio ko lai dah! A ruang cu kan ram cu Democracy ram a si cang i thimnak kong ah naihrawng le bang cu kan buai ngaingai. Cu lio ah ralkap nih Aana phun in khuate cheukhat ah zuu an zuarter hna ti cu lau lo awk a ttha lo. Ralkap chan lio ah an rak zuarter hna kha cu zeiti awk a ttha lo. Asinain atu dirhmun in zuu zuarter cu nan khuaruah a hartuk cio ko lai.

Cu lawng hmanh si loin Thing-ahnak Seh (Hand Saw) ngeimi paoh hnahnawhnak an pek hna i an tthihphaih hna. Cu lawng si loin Zahnaktlang chung khuabawi pawl kha an auh hna i nan khua cio i thing-ahnak seh a ngeimi paoh nih nikhat cio in kan thing kan Ahpiak hna seh tiah an ti hna.

Vice President II Henry Van Thio nih Zahnaktlang a tlawng lai ti thawngpang a theih in Van Bawi Lian nih Zahnaktlang chung khua pawl siaherhnak he ralkap nih Zahnaktlang chung khua cheukhat ah zuu an zuarter hna nak kong le Thing-ahnak seh a ngeimi hnahnawhnak an pekmi hna kongah biahalnak rak tuah uh, bawmh rak hal u tiah a ttial. A tanglei ah amah ttialning tein kan van langhter lai.

“Zahnaktlang Khuakip Sin ah Biacah Pakhat: Vice President 2 Henry Van Thio Zahnaktlang a tlawng lai. Khua kip hruaitu upa hna nih VP2 sinah thil pakhat ( Urgent) in hal ding in ruahnak pek kan duh mi hna a um.

1. Lungler ralkap nih Zahnaktlang khua cheukhat ah a luan cia mi kum tampi lio in nihin nitiang Zahnaktlang khua cheu khat ah Zuu(OB) an zuar tawn mi hi tuhnu ah ralkap nih an zuar ti nak hnga lo. A tu zong ah an zuar ter hna nak khua an um. An mah ralkap nih Cycle in an vung pek hna. Hi hi VP2 sin ah chuah pi awk asi.

 

2.Zahnak tlang khua zeimawzat ah (Hand Saw) Thing Ah Nak Seh a hmang mi an um. Hi Hand Saw a ngei mi pawl hna hi Lungler ralkap nih hnahnawhnak an pek tawn hna. တ ရားဝင် nan si lo caah tlaih khawh nan si an ti hna. Nai ahkhan Zahnaktlang khuakip khuabawi pawl kha ralkap nih an kawh hna i ” nan khuachung cio ah Hand Saw a ngei paoh nih Ralkap Thing-ah ding caah hlawhkhat cio in rak i thawh hna seh, tiah an ti hna. Hi hi a ngai ngai cu Porter (Kuli phurhter btk asi). Cu caah khua mi nih hi hi VP2 sinah nan rak chimh ah a ttha” tiah a ṭial. Source: The Lai post