Laipa pawl hi cu kan poi tawn ko mu. Hi ruangah hin dahkaw Lainu cheukhat nih zei an kan rel lo i miphun dang pa le nu nih Laipa an kan nihsawhnak cu a si cuh. Lainu pakhat “N Sui Sui” timi cu Laipa “Lal Than Kung” timi pa nih facebook messenger a call tawn cun, hmanthlak thurhmawn taktak a simi, a zuzu hmanthlak a post ruangah a thinhung tuk i a facebook cahmai ah a tar.

Lainu “N Sui Sui” Laipa “Lal Than Kung”  nih a zuzu hmanthlak thurhnawm a kuatmi cu facebook ah ah atarmi i ca aṭial chihmi cu “ Na zang tiang2 i hei kuat ngam ve i maw. Na zang kha mawi leh tha tuk ah maw si na ruah awk. Sala, tuah cu uico tluk hman ah ka lo rel lo” tiah falam ca in aa ṭial i a facebook timeline ah a post.

Hibantuk hi angaingai ti ko ahcun Lainu zei ah kan rel lo hna, mah miphun khat zei ah rel lo le ṭihzah upat lo taktak a si. Hibantuk pa hi cu Lainu zong hi a si khawh chungin hrial izuam cio hna uh! Kha bantuk tiangtiang cu kan kuat hna awk a si lo. I capo phung zong a si ko nain, hibantukin tiangtiang in i capo phung zong a si lo. Laipa pawl kan i ralrin ngaingai aherh.

A ngaingai kan ti ko ahcun, Laipa nih dahkaw Lainu hi kan ṭihzah upat thiam hna hi kan dawt hna in kan kilven hna awk an si cuh! Hibantuk thil dawh cah lo ruangah dahkaw Lainu cheukhat miphun dang a vatmi tiang an umnak hi a si cuh! Cucaah hmaileiah cun hibantuk hi hmang ti hna hlah u sih!

Theihternak Le Nawlnak;
||Lainu zong ahmanthlak kan tar lo Laipa nih ca a kuat zong fiang huaha loin kan langhter cun a zoh dawh lo deuh caah hmanthlak thurhnawm a kuatmi kan phih/kham cun alenglei hmanthlak kan tarmi khi a remcanning in kan tarmi a si caah a ruahzia kan thiam uh!||