Apoi tuk ti lengin chim ding dang a um tilo. Tamu khayaing, Khampat Myone khuaah Chinmi mino tlangval 3 nih kum tlinglo nu cu December 24 zan Suimilam 11 hrawngah an tlaihhrem tiah theih a si. Hi nu a tlaihhremtu minung 3 hna cu palek sin report an si bantukin kum tlinlo tlaihhremtu hna cu tlaih an si cang tiah an langhter.

Thil sining cu Christmas lai zan December 24 suimilam 11pm hrawngah nu pakhat kum 15 a simi nungak cu a tlangvalpa he kanan khua ahmat 5 pawngah an i tong i cuticun caan an hmang. Cutlawmpal ah cun tlangval pa 3 cu an rak ra i, a tlangval pa cu an hro i, a tlangval pa zong cu a nungaknu ruat kho tilo in a tlik tak.

Cu ti cun an umnak hmunah cun pa 3 hna nih cun kum 15 nute cu a rualin an tlaihhrem.Cu lawng hmanh siloin hmun dang thingkung tangah an i hruai than i an va tlaihhtem than tiah theih a si. Thil cangmi kong he pehtlaiin Khampat palek zungah report an tuah i, Palek pawl nih cun kum 15 sualpi tu minung 3 hna cu an tlaih hna. Sual tuahtu hna cu, Muan Ven Uk (kum 19), Ceu Uk Thang (kum 21) le Lal Hum Lian (kum 22) hna an si. (Tamu News)

Thawngpang dang relchih: South Africa ngandamnak vuanci Zwelini Mkhize nih UK biachimmi cu lehnak atuah cang. Atimi cu Britain health secretary nih Africa ah covid dang zawtnak achuakmi 501.V2 hi Britain ah covid dang achuakmi zawtnak VUI-202012/01 nak in i chawnh khawhnak afawi deuh tuk tiah a chimmi hi biadik le biahman lo mi asi tiah fiang ngai in lehnak atuah.

Kan ramchung ah Covid zawtnak dang achuakmi 501.v2 zawtnak hi UK ah a chuakmi zawtnak nak in atthawng deuh timi fianternak pakhat hmanh a um lo tiah South Africa health Minister Zwelini Mkhize nih alanghter chih. Hi konghe pehtlaiin Britain health secretary Matt Hancock nih atimi cu Sourth Africa ah a chuakmi zawtnak thar hi kan ram ah a chuakmi zawtnak nak in i chawnh le akarh afawi deuh tiah a chim.

Curuang ah South Africa ramchungin Britain ah arak zuang dingmi vanlong hna cu nizan tihnih cawn nithum ni in khan an rak khap cang. UK ah a chuakmi zawtnak thar VUI-202012/01 timi hi covid zawtnak dang phunkhat asi. Hi zawtnak aliamcia October thla ah khan UK ah rak hmuhchuah arak si. Cuticun akarh chin lengmang.

Cu lawng siloin South Africa ah zawtnak thar a chuak mi 501.v2 timi zong hi covid zawtnak phunkhat asi rih. Hi zawtnak an hmuh chuah hi, kan hnu zarh December ni 18 ah khan asi. South Africa le UK ah hmuhchuah thar mi zawtnak hi azeibantuk hi dah ttihnung deuh mi asi i, zeibantuk deuh hi dah mi chawnh afawi deuh timi hi theih asi rih lo.