Kan farnu Mai Sui Hlei Ṭial ruak ṭhialnak kongah Cozah nih chungkhar sinah an chimmi, a ṭapa Hriat Pui nih mipi sinah thil sining fiang ngaiin a von langhter ve ṭhan cang. Thil sining fianternak atuahmi cu a tang lei bantuk hin a si.

Ka far nu a ruak cu chuah uh an kan ti si nain minung pali lawng kal uh an ti Mah pin a dang nan kal ah cun thong kan in thlak hna lai an ti mi pali nih chuah an timh JCB nih a cawh mi chuah cu an i harh tuk an bu hri dih cang ruah le sur Zei tin kan tuah lai Palik nih le an cawngh dih Thil ti kho mi nih kan bawm ta uh law,”tiah Hriat Pui nih cun a chim.

Kan farnu Sui Hlei Ṭial kongah Thantlang Sipin Bawi Pu Ram Khar nih fianternak a tuah ve ṭhan. By Ram Khar|Malaysia Ram ah a kan thih tak mi Kan Naunu Sui Hlei Tial Kong fianter nak.|Kan Nau nu hi Malaysia ram ah 2020 Sptember 29 zan Suimilam 8 :00pm (Malaysia local time) ah inn Cung in a tla i a kan thih tak . A ruak cu Kawlram tlun pi ding in timh tuah a si caah 1/10.2020 zing ka te ah Block-2 Khuabawi Hlun Pu Van Hngak le A thi mi i A pa te Pu Kap Tir Thang kan inn ah an ra i an si ning an rak ka chimh.

Kan naunu A ruak hi Zarh te zan 7:00 pm (Malaysia Local time) in a van i thawh lai i, Zarhpi ni zah ah Hakha a phanding si le Na kan bom kho hnga maw Hakha lawng si lo Thantlang zong bomh hal kan in duh ko an ti I , Aa si Ee bomh khawh kan zuam hna lai Hakha zong kan kal pi hna lai a ni khua lai ah ka chim than te uh ka ti hna I an lawi.

Zarhpi ni a rak phan I Pu Kap Tir Thang le Pu van hngak cu an ra than A tu hi kan Nau nu Ruak cu Pungtawng PungNgia an phan cang an ka ti I si maw ka ti Myone Ohchohzi hmu le Myone TMO Dr . Pa phone ka chawnh hna thilsi ning ka chimh hna tik ah a duh an duh lo .Cu ti si le Malay -Yangon- Mandalay zong cu an ra cang ko le ka ti zong ah an duh bak lo Ph Speaker ka on i kan i chawnh mi zong cu an ngaih ve ko a duh bak an duh lo kir pi ko hna seh si lo le Hakha ah Vui ko hna seh an ti ko .

A dongh nak ah ka ti mi cu Khua chung luh pi lo in Khua vel lam in Thlan Mual ah kan luh pi lai ka ti hna Cu zong cu an duh lo. Ti awk kan thei lo a si poh si seh kan ti i Kal ding le don ding in kan khan. Kal a cut in ph ka chawn uh law kan kal lai ka ti hna i Tihnam khua an phan cang tiah ph an ka chawnh mah hnu cun Pu Kap Tir Thang le Kap Hlei nu he Hakha ah ka motor in kan kal.

Direct in Hakha Kankaw lam Luh nak Kaih ah cun Thawng kan Thanh colh hna Thil sining ka chimh dih hnu hna ah Sui Hlei Tial thih nak kong he peh tlai in Malaysia Kawlram Ambassy Zung ca an tial piak mi hna le ca dang dang kha kan zoh ter hna i, rak lut ko hna seh an ti i kan hnu in an rak lut Thantlang lei ah kan hnu in an ra ve.

Thantlang Laipawnglung Kaih um nak hi zanlei 4:30 pm ah kan phan I kan phak tlawmpal ah Sui Hlei Ruak phur mi cu a rak phan colh ve. Kan Phak le cang ka in nan dih lak nan lut kho lo tiah U Aung Bu Naupa Myone Pingnga Zi Zung ah Duh Myone Hmu a tuan Mipa U Zaw Lin nih a kan ti. Kan mah he midang motor Cycle tam pi cu an kan Hren dih.

Mah hnu ah khuachung lei tuanvo ngei tu pawl Thawng an Thanh hna I meeting an ngei Ta lai hngak hna uh a kan ti i, zan 8:00 pm tiang laipawng Lung Kaih cun Miruak he cun kan hngah hna. Mah hnu ah Myone Ohchohzi hmu le Dr Pa le a dang minung 5 hrawng an rak phan mah hnu ah ruak vui tuding ah Rev Dr Sang CUng Uk a rak phan .Cu hnu cun JCB a rak phan. Ruak Kuang Cawi tu ding Minung ,4, Pu Hrang Cem, Pu Val Hnin, Pa Duh Lian Thang, Pa Biak Tha Uk (Hi hna Minung 4 hi Upat nak ka pek hna ) an rak phan mah hnu cun Thantlang lei lut lo in Hakha lei ah kir ter in Tleicia Pu Thang Hrim sia kom Pawng motor lamkam ah zan 8:30 pm hnu ah an va vui . A vui tu minung 4 cu in kir ti lo in Quarentine ah luh ter colh an si .

Thantlang Covid-19, I Runven Nak Main Committee hna cu 1. Myone Ohchohzi Hmu —U Aung Shwe Myint ….Chiarman 2. Myone Cianma Zi Hmu ngandam Lutlai TMO U Thun Pua — Secretary
3. Myone Lahwah Kah hmu ..Member 4. Myone Pingngazi Hmu . .. member 5. Myone Yehmu Palek Bawi .. Member 6. Myone Tatana Zi Hmu .. Member

Mah hna hi an si . Khua Nupa kan i tel lo . Sipin Committee zong kan i tel lo Mino Bu zong kan I tel lo. Lai lei (Laitlai) minung Pakhat zong kan i tel lo. CUng lei nih mah ti ning in Committee ser uh ti maw si an mah te in an ser mi si tu hi kan thei lo. Hi Main Committee ah hin Laitlai Pakhat tal cu kan i tel hrim hrim ding si . I tel uh sih law mah bantuk thil (Piahtana) hi a chuak hrim hrim lai lo. Mah hna nih hin Kan lai Phung le Lam Kan Sining hi a thei mi Pakhat hmanh an um lo. Kan Chimh hna zong ah Zei ah an kan rel piak lo.

Mah ti thil a hin can tik ah Ramchung ramleng kan au nak an theih ruang ah si lai 6.10.2020 ni ah Pu Lawm Bik, Pu Siang Zei, Pu Ral Tu le Tuan Vo ngei tu Ceikhat le Mithi mi hna chung Khar i ton nak ngeih hnu in Sui Hlei Ruak cu Thlan Mual ah thialthan ding in Quarentine an chiah mi hna minung 4 le Upa 3 hrawng te he lamkam an phum nak cu an Hlai i, 10:30 pm ah Thantlang No -2 Thlanhmun ah an thial cang .

Tutan Kan Nau nu Sui Hlei Tial thih nak kong ah hin Thantlang Khua Nupa , Khua Upa, TCF, Mino Bu, Pastor te Ruah nak hal a um lo chim mi zong Zei San a tlai lo . A poi kan ti cio. Thantlang Khuapi Kan Thluachuah a pit lai Tizong kan Phang .Kan Lung a tha hrim hrim lo .Tantak mi chungkhar dihlak tu hi Thantlang khuapi Kan ngaithiam hram uh tiah khuapi nih kan nawl hna ding si.