“A Poi Taktak Hakha CCU Ah Pathian Bia Cawnnak Laptop Computer Pahnih An Fir”

Hmuhning

“A Poi Taktak Hakha CCU Ah Pathian Bia Cawnnak Laptop Computer Pahnih An Fir”

Khuaza um CCU hawile hna,

Image result for chin christian university

Pathian dawtnak thawng in nan damm cio ko lo maw? CCU lei ozng sianginn kan kai ceumao ve. Lunglawmhnak tampi lakah kan lung a tha lo mi thil kan ton i cucu zapi theih tein thanh ah a tha ko rua tiah ka vun i thanh hna.

Tu zing suimilam 10:00-11:00 kar ah CCU siangngachim Abednego umnak inn le Satama Ling Yaung umnak inn ah mifir a lut i sayama Ling Aung laptop computer pahnih a lak. Palek zong kan chimh hna i a tu tiang cu thawngpang kan thei kho rih lo. A kan kawl piak cuahmah lio a si. Cawmbuk sang khuabawi zong nih a rak ra. An cung ah kan i lawm. A firtu hi mi niam nawn, titsa tha, sam sau nawn pi a si. A mui an theih ko.

Image result for chin christian university

A phanah le tawh bauhnak i aa kenmi thir fung tawite a kal tak. Kum tam nawn a rauh lio ah CCU i mirang ca cawnnak ah a hmanmi TV a rak tlau bal. Pathian nih mifir lungthin ah rian a tuan rua, library building tangah TV cu an rak chiah than. Tu tan zong hi Pathian bia cawnnak hmanmi laptop an si i Hakha hrawng ahcun a zuar ngam lo dah.

Kan hnu lei thal chung zong ah mifir nehnang cu CCU Campus ah a um pah cang. Thiltlau dang tete an thanh mi ruah tikah Hakha khua hi a him lo ngaimi a lo. Zei dik tuah a hau ko rua ka ti.

Ka lawm.

Laknak: Henry Siang Kung

Leave a Reply