A poi taktak: Hakha ah Tlangval pa 6 nih Dawt Hnin Sang (kum 17) an vuak

Chin News

“Na Ka Meet” Ti Ruang ah Tlangval 6 nih Khuathar Tlangval No an Velh| Nizan zanlei ah khan Hakha Khuathar ah tlangval no paruk hrawng nih GTI thlang um tlangval no Dawt Hnin Sang (kum 17) cu a bu in an velh, tiah thawng kan theih.Zanlei sml. 6:20 hrawng ah khan

Thantlang lampial ah Dawt Hnin Sang vuak a ton hi a si i, dawrthil an cawk lio ah “Na Ka Meet” tiin a vuatu lei nih Dawt Hnin Sang mizoh an rem lo i, vuaknak a chuah hi a si, tiah Khuathar Mino President Salai Ceupi nih a chim. Thil an cawknak ah ‘na ka meet’ ti ruang ah i velhnak a chuah hi a si. An velhmi Dawt Hnin Sang hi amah nakin ngakchia deuh a simi a hawile pahnih he an si i, an bawm ngam lo. An tliktak. Dawt Hnin Sang cu a hmur a kuai i a hnarthi a chuak,” tiah a chim.

“Velh a tongmi Dawt Hnin Sang hi sizung cu a phan hraw lo nain tu zanlei sml. 7:00 hlan ah a veltu lei nih lenkainak a kan ngeih lo ahcun kan duh lai lo tiah Dawt Hnin Sang a Ni nih a chim,” tiah Salai Ceupi nih nihin zinglei ah The Chin Journal ah a chim.

Dawt Hnin Sang a veltu hi Hakha he naihniam ah a ummi khuate lei in an si i, a veltu lak i micheukhat cu Hakha ah kum 2 hrawng a um cangmi zong an um, tiah Salai Ceupi nih a chim chap. Thechinjuornal

Leave a Reply