Admin|| 04 Vaupi 30-2020||Falam ah Home Quarantine in chiahmi/ummi minung pakhat thi tiah theih a si. Falam i Hom Quaratine in a ummi hi U Win Tun (AD-Aistrict Education Dept) cu nizaan a ihnak hmun in a tho ti loh i an va zoh tikah a nunnak a rak liam cang. A ruak in an phawh.

Covid-19 Falam Volunteers pawl nih a ruak cu zung quarters in sizungah an kuat i a sining an check tikah “a thluak thahri” a cah ruangah a nunnak a liam hi a si hi tiah an chim. A poi tuk hringhran nunnak kan nunnak hi zeitik a thih lai ai theimi kan si lo. Tantaakmi chungkhar Bawipa nih hnem hram ko hna seh! Chirhchan: Chinland Herald Daily News

Thawngpang thar rak rel chih:Coronavirus Damnak Si Serchuah Dawh Si. Director of National Institute of Allergy and Infectious Diseases le White House coronavirus task force, chungtel pakhat a simi Dr.Fauci nih Gilead Scientist hna nih an sermi remdesivir si a hmangmi hna cu 30% an dam a rang deuh tiah tuchun ah white house ah a chim. National Institutes of Health hospital ah coronavirus in a zawmi minung 397 cu phu hnih ah an then hna i, an test hna i, phu khat cu ni 5 chungah an dam i, adang phu khat cu 10 chungah an dam.

Gilead nih testnak an tuahmi hna chung in 50% cu zarh hnih chungah an dam dih tiah an chim. A zawmi chung in 65.5 cu ni 5 chungah an dam i, 53.8 cu zarh hnih chungah an dam ti a si. Gilead nih an testmi result an chuah le cang ka in Stock market cu 400 points a kai manh. FDA nih hman ding le hman lo ding biachahnak an tuah hmasa lai. Emergency caah cun hman colh dawh a si. Tuchun White House i meting an tuahnak ah, Fauci nih “This is very optimistic.” a ti . President Trump zong nih “Certainly it’s a positive, it’s a very positive event.” tiah a ti ve. FDA nih approve an tuah le cangka mizaw thopnak ah hman colh a si lai. Credit: Salai Lairamthang