Kalaymyo, Myohla khua ah Chinpa Malsawmdawnga kum 28 nih kum 7 ngakchia nute a tlaihhrem i ngakchia nute cu a chiaṭha a thi tamtuk a chuah tuk ruangah ngakchia nute cu a rianrannak in sizung ah an tlikpi colh tiah thawng kan theih.

Kum 7 ngakchia nute a tlaihhremtu chinpa cu Malsawmdawnga kum 28, a si i nizaan suimilam 8:00PM hrawngah Kalaymyo palik nih an tlaih khawh cang tiah theih a si. Kalaymyo palik nih an sinah an hren lio a si i thil sining an hal lio le an dothlat lio a si i kumtlinglo tlaihhrem Case in tlaih a si.

Kum 7 ngakchia nute cu a chiaṭha in a thi tamtuk a chuah ruangah Kalaymyo Pituh sizung, ralkap sizung, Bethany Clinic, Wesley sizung hna kapi a si i a ruang cu atu lio myanmar rampi a buai tuk ruangah sibawi te an an chambau deuh caah sizung ka kip ah kalpi a si i a donghnak ah Wesley sizung ah zohkhenh cuahmah a si.

Wesley sizung ah zohkhenh a si ruangah a karlakah buainak a um lai lo. Tahan palik le Kalaymyo Pituh sizung i sibawi nih an bawmh hna i buainak a um sual ahcun, ṭuanvo kan lak lai tiah minthutnak zong an tuah cang. Ngakchia nute cu a dirhmun a chiat ngai i Oxygen pek a si hnuah thisen langkhat an ronh hnu ceo ah a hung i ning deuh ti tiah theih a si. Source: Vapualawau (DHIP)

Avoi Thumnak Stimulus Check. President Joe Biden nih Coronavirus ruangah harnak a tongmi hna caah bawmhnak, $1.9 trillion coronavirus relief package cu tuchun ah senate ah vote an thlak, democrats le Republican nih vote 50 veve an thlak caah an i tluk, cucaah Vice President Harris vote in vote khat nih a tei caah an fehter. House ah an kalpi than lai i, house nih an cohlan hnu ah President Biden nih minthut lai i fehter a si lai.

President Joe Biden nih US sipuazi chanhchuahnak caah $1.9 trillion coronavirus relief package chungah hin minung pakhat nih US$ 1400 ngah dingmi stimulus chek a tel, rian ngei lomi hna caah zarh khat ah $400 ngah dingmi a tel, vaccination centers le Covid-19 testing caah $130 billion a tel, schools on thannnak ca le safety caah $15 billion, small business grants; caah $350 billion le State emergency funding, local le territorial governments, federal minimum wage timi suimilam pakhat ah $15 per hour (atu lio federal minimum wage cu sumilam pakhat ah $7.25 ); reinstating paid sick leave, child care tax credit caah $15 billion, states subsidize child care for low-income families caah $25 billion fund pek a si lai

Tutan avoi thumnak stimulus check a ngah dingmi hi zeibantuk income in an tuak lai timi a fiang thlu rih lo. Asinain an timhtuah ning in cun minung pakhat lawng a simi caah cun kum khat ah $50000 cung a ngahmi a si lai lo. Nuva an si ahcun kum khat ah $100000 cung a ngahmi an si lai lo ti a si. Cucaah Laimi tam deuh cu kan fel, rian kan tuan, kan tha thu lo, caah tutan democrats pawl nih pekmi bawmhnak cu ngah dawh kan si ti lai lo tiah ka ruah. Source: Salai Lairamthang

____

Copyright © Chin World News Evening