A poituk hringhran tukar cu thawngpang chia lawngte kan mah Chinmi chung zong in kan theih ko. Nihin zong ah Bus accidentnak a chuak tthan i minung pakhat a ke a kiak tiah The Hakha Post nih a tarlangh. A tanglei ah an mah The Hakha Post nih an tarlangh ning tein lak tthan mi asi. Lumbang khua pawng ah Chin Taung Tann bus aa let spear a ke a kiak.

Kalay in a rak kai mi Chin Taung Tann bus cu nihin February 14 chun 12:00 ah aa let i motor spear a ke kiak tiah kan theih. “Kalay in a rak kai mi a si. Chin Taung Tann bus thil a phur mi a si. A chung ah minung pathum an i cit. Lumbang khua phanh lai ah a break a lanh (poh) ca ah lamthlang ah ka zuang sual lai ti a phan ca ah lamchaklei ah a kuaih. Diltlang a pah i lamlai ah aa let,” tiah a hmun ah a phan mi khualtlawng Run Za Nuam nih The Hakha Post ah a chim.

“Aa khawng mi spear pa cu Falam sii-inn ah an tliikpi. A dang cu fak in i khawn dawh an si lo, an zohkhenh cuahmah hna lio a si,” tiah a cunglei sin in kan theih. Hi bus hi thilphur mi a si i, khualtlawng motor le minung nih an bawmhchanh cuahmah lio a si tiah kan theih. Photo credit: Run Za Nuam

Credit: The Hakha Post

Ngaihchiatnak thawngpang: Kan dawtmi ICBC chungtel hawi Pi Mah Ṭha (Parku nu, Pu Cung Hu nupi) cu khuasual a tonnak hliam hma tuar kho ti lo in tuzan February 13 6:40pm ah a kan dinh taak cang. Khrihfabu kan ngaihchia ngaingai. Ṭhutpi ning le a ruak bultawl ning cu fiang deuh in kan thanh ṭhan te lai. Ngaihchia chungkhar Bawipa nih umpi in hnem hraam ko hna seh! Credit: Indiana Chin Baptist Church