A Poi taktak: Chin Mino hruaitu pahnih ralkap nih tlaih dingin an ti cang hna

Chin News

A poi taktak! Falam ah ralkap duhnak duh loin sandapiahnak i hruaitu Mino 2 cu Falam palik nih tlaih dingin pokmah 505 (a) hmangin dan an tat hna tiah theih a si.

May be an image of one or more people, people standing, road and text that says "PIIC POLICE POLICE POLICE POLICE POLICE FOLICE POLICE POLICE POLICE POLICE POLICE POLIC POL"

Falam peng Palik bawi Thein Zaw nih,”Lam an zawh ruangah tlaih ding kan timi a si. Palik nawlngeihnak tangah a ummi an si ruangah Waran chuah aherh lo, kan duh tik caan paoh ah kan tlaih khawh hna. An pahnih tein pokmah 505 (a) hmangin dan kan tat hna. An min cu kan tlaih khawh rih hna lo ruangah kan chim phuang duh rih lo,”tiah a chim.

Criminal Code 505 (a) hi hiti bantuk duhlonak a langhtermi, sanda a piahtu hna tampi an tlaih hnanak le dan an tat hnanak a si i thong kum 3 chung thlak khawhnak a si. Falam ah atu hi duhlonak in lam a zawhtu hna minung 3 an tlaih cang hna i biaceih zung ah bia an ciahpiak cuahmah lio hna a si. Chirhchan: Zalen

Biakilh: Atu bantukin Falam palik nih tlaih dingin an timi hna Falam mino hruaitu 2 hna i an min an langhter hna rih lo ruangah a ho te set dah an si ti theih khawh a si lo caah, Share tuah cio hna usih! Hruaitu a simi nih an i theih i an ralrin khawhnak hnga, Falam mino hruaitu na hawi le sinah a bikin Share rak tuah ve hrimhrim.

CNF/A hi nan kan uhtanh ko, nan mawh lo, amah belte hriamtlai dang he tahchunh awk kan tha deuh lo: Pu Htet Ni

May be an image of standing and outdoors

Atulio kan ram buainak kong ah mizapi nih CNF/A hi nan kan uhtanh i nan mawh lo, amah belte Tlangcung hriamtlai dang he tahchunh awk kan tha lo, tiah CNF/A Chimphuannak Nawlngeitu Pu Htet Ni nih a chim.

“Nationwide Ceasefire Agreement (NCA) ah minthu ciocio Tlangcung hriamtlai hi kan i khat hna lo. Kannih CNF/A cu Bilateral Agreement ah umnak hmunhma (control area) kan ngei. Phundang cun umnak hmunhma a leng ah meithal, uniform he cawlcangh thiam a si lo tinak a si.

“KNU khi NCA ah minthu mi an si ve nain rikhiah mi hmunhma (control area) an ngeilo. Mah belte an thazaang a thawn ca ah anmah tein control area an i ser khawh. Thazaang an ngei ca ah an hmunhma chung ah an cawl kho ngai. Thil a um rih mi cu an control area ah hin Kawl ralkap zong hmunhma an laak ve tik ah i kah peng cu a si ve hoi.

“Atu CDM kong ah an cawlcangnak khi anmah control area chung ah a si. Kan dirhmun aa khat lo i hihi mizapi nih a ruah zia an thiam deuh rua lo. Chungtuan an si ve lo tik ah an mawh ve bak lo. Kanmah CNF zong kan hmunhma ah Kawl ralkap hi hmun khuar ve hna sehlaw kan buai ve kho ko,” tiah Pu Htet Ni nih The Hakha Times ah a chim.

Zeipoh a si ah hriamtlai dang hna cu thazaang an ngei. CNF cu hriam thazaang kan tlacham tuk. Thazaang ngeih i mizapi nih dirkamh tham ahcun kan cawlcang kho tuk ve ko lai, ti zong Pu Htet Ni nih a chim fawn. Source: The Hakha Times

Leave a Reply