A Poi Taktak: Brazil Ram Zatlak Puicimh Faak Taktak An Tong Mi 18 Nunnak A Liam Cang

Thawngpang

Brazil ram Sao Paulo le Rio de Janeiro ramkulh ah ruahsur le leimin ruangah khuaci anmui an buai taktak theih a si i a thimi le hliamhma a tuarmi zong an um len ti a si.

Residents in Guarujá clear the mud at the side of a landslide. Photo: 3 March 2020

Brazil ram Sao Paulo le Rio de Janeiro ramkulh kan hnulei zarhpini ahkhan a faak ngaiin ruah sur le leimin nih minung 18 nunnak a lak hna tiah theih a si. Ruah sur le leimin ruangah vanchiatnak an tonnak hi Brazil ram Sao Paulo le Rio de Janeiro ramkulh ah a cangmi a si i minung 18 nunnak a liam i an konglam theih loin le an umnak theih loin mimnung 46 hrawng an um tiah theih a si fawn.

Rescuers search for victims in Guarujá, São Paulo state, Brazil. Photo: 3 March 2020

Brazil ram Sao Paulo le Rio de Janeiro ramkulh hi milu an tam ngaingai nak a si. Atu bantuk chiatnak an ton hi a poi ngaingai. March thla chungah ruah a sur lai tiah khuacaan lei zohthiam hna nih thanhnak an tuah ko nain, an i ruahnak lengin ruah a sur ruangah atu bantukin thih le loh tiang a phak hi a si.

A rescuer works in Realengo neighbourhood, in the suburbs of Rio de Janeiro, Brazil. Photo: 2 March 2020

Tukum kum hramthawk January thla dih leiah khan ruah sur le leimin ruangah Minas Gerais ramkulh ah minung 50 nunnak a liam i minung 25,000 leng hmunhimnak ah hruai le zohkhenh an si tiah theih a si fawn.

Leave a Reply