Myanmar ralkaap nih Myanmar rampi ruahnak peetu Daw Aung San Suu Kyi cu sualnak pahnih (Case pahnih an tuahpiak) an tuah piak ṭhan in Court ah report an tuah ṭhan i tuni i sualnak pahnih a kawl piakmi he cun sulnak 4 (Case 4) an tuah piak cang.

Ralkaap nih rampi ruahnak peetu Daw Aung San Suu Kyi a voikhatnak a sual an kawl piakmi cu walkie-talkie case in taza an cuai. Cun, a hnuah atu lio zawtnak Coronavirus zawtnak kong he upadi kokek zatlaknak phung na buar tiah taza an rak cuai.

Tuni i taza an cuai ṭhan rihmi cu, rampi minchiattertu na si,mipi cungah thinphannak le hnahnawhnak thawng nathanh tiin pokmah 505 in le License ngeih ahaumi pehtlaihnak (Telecommunications) upadi na buar tiin pokmah 67 in an sualnak an chapmi hi a si.

Pehtlaihnak le i chawnh biaknak pokmah 67 in taza an cuaimi ahla i taza a cuainak ichawnhbiaknak kongah pehtlaihnak na ngeih tiah an tiin taza an cuainak hi a si i. Rampi minchiattertu pokmah 505 in taza an cuaimi cu CRPH nih cathanh an tuahmi cheukhat cu rampi thazaang dernak le thinphannak a chuahtertu a si tiah tiin pehtlaihnak na ngei an ti caah taza an cuai ṭhannak hi a si. Source: DVB