A poi taktak. Mizoram India in a tlungmi, Pu Lal Ruat le a nupi le a fale cu Thantlang sizungah Quarantine in ni (21) chung an erhkhumh hna hnuah minung pakhat ah 100000MMK cio an liam ter hna tiah theih a si.

Hi thawngpang hi kanmah nih kan ruahnak in kan phuahchommi le kan ṭawntokmi a si lo. Pu Cung Cung timi nih amah pumpak facebook cahmaiah a tarlangh hnuah kan rak tarchinmi a si. Mi tampi nih comment zong an pek len.

Thantlang peng, Sihhmuh khuami ah Pu Lal Ruat, a nupi le a fale cu mizoram in Thantlang an rak tlung i Thantlang sizung ah atulio Covid-19 zulhphung tein Quarantine ah an chiah hna hi a si i, minung pakhat ah 100000MMK an cawi ter hna tiah kan theih.

Cung Cung nih amah pumpak ah cahmaiah hitihin a tarlangh,“Nai ah Mizoram in ahong tlungmi Sihhmuh khua ah a um Pu Lal Ruat le a nupi le a fale cu Thantlang sizung ah ni 21 an er khumh hna hnu ah minung pakhat ah 100000 cio an cawi ter hna ti thawng kan theih hawi dang ram cu abawmh in an bawmh hna lio ah kan nih ram cu dantat asi ko ti teh,”tiah a taar.