By Saya Rung Kaw| 21st Panglong Conference Innka UPDJC ah Pine Phunghrampi Suainak kong ah Hnatlak nak an ngeih kho lo| Tlangcung mi hna Umnak Ramkulh caah Ramkulh Phunghrampi suai nak kong cu 21st Panglong Civui Kutka UPDJC ah an ceih ko na tein hnatlak nak le biachah nak an ngeih kho BAK lo. Pu Salai Lian Hmung Sakhong zong a lung rawk Cikcek ko.

Nai tan i a biachimh mi kha meeting hlan ah ka chimh mi BIA asi. Meeting biachah nak he aalawh lo caah ka hnabei adong i ka Lungrawk Cikcek ko tiah Pu Salai. Lian Sakhong nih a phuan cang ko hi. Meeting hlan i a bia chimh mi kha Hakha NLD candidate nih tanbo ah an hman tu asi deuh.

UPDJC VP Dr. Salai. Lian Sakhong nih a Lungrawk nak cu atang lei btk in achim phuan. 21st Panglong ah Biahren in senthuh chih ding mi Federal ahran dundan (5) chung ah: Abiapi bik mi an hnawm caah ka lung a rawk Cikcek ko. Ramkulh Phunghrampi suai khawh nak Nawlvo cu an kal tak cang.

Kah Daih nak tawhfung asi mi Ramkulh Phunghrampi suai nak le Nawlvo pei asi fam cu. Cu kong he aapeh tlai mi dal (3) bak kal tak in an um a ti rih. Ramkulh Phunghrampi timi cu Tlangcung mi nih kum 70 chung meithla tlaih buin kan hal i ram kan khelh hnawh mi Abiapi bik mi Suttung asi. Hriamnam a kan tlaih ter tu Aruang bik azik le achip zong hi hi asi fawn.

Federal i suttung le Innkil lung cu Ramkulh Phunghrampi hi a si. PEACE tawh fung zong asi. Ara lai mi ah tuah ding mi; a voi 4th nak; 21st Panglong Conference ah ceihkhan ding mi aatel ti lo. Ngur ngur thlak in ṭap le zuuntuar ngai in lungdo hma he khua kan sa cang ko tiah; Pu Salai nih a ti(ယူကျုံးမရ). Hlan Tamada Tin Sui Chan in thawk mi NCA cu kum 10 arau cang nain hmai ah kan nawrh kho bak lo. Lam tanṭim ah ding ṭeumau in a dir bak ko. Pakhat le pakhat kan i lunghrinh i kan i zumh fawn lo. Thinphang dai loin kanum cio nak nih ahnur suan bik ko tiah a chim rih fawn.

Sai Kyaw Nyunt. SNLD GS: Ramkulh Phunghrampi suai nak kong le Nawlvo ahcun Ramkhel Party hna nih biatak tein I teltum in ruah nak chuah kan herh hrinhran. Cucaah ara lai mi 2020 thimh nak tan ahcun: Tlangcung mi party hna nih TEINAK an hmuh co a herh ngai ngai. Culawng Ramkulh Phunghrampi kong ah tlang an kan tlak lai I kan hlutchuak kho lai. Adang ceih khan ding zong rianrang deuh in le ningcang deuh in thil zong a kal khawh lai I thil sining zong rianrang in hma a kal kho lai a ti ve.

Biapeh: NCA Biaceih nak le biatung hna hi an ceih ko lai nain, Hriamtlai vialte NCA ah an lut dih tiang hngak a hau lai caah a tlawm bik kum 20 -30 arau lai ti asi. Cu hnu ah hi Phunghram pi hna hi an ceih khan lai. Hriam tlai mi vial te, cozah, Ralkap hna nih an hna tla Cikcek hnu ah Phunghrami pi an suai lai. Hlutdaw hnatlak nak an lak lai.

Cu hnu ah Mipi hna lak nak an la lai. A hnu ah an fek ter lai I cauk in an chuah lai. Cu ning cun thimh nak an tuah lai. Cu thimh nak cu Democracy in an kal chung lai. Cu karlak ahcun Federal Phunghrampi an suai dih lai. Hlutdaw hnatlak nak: Mipi hnatlak nak: tbk in aching chang an tuah lai. Ahnu bik ah cauk in an ṭial lai. Ahnu bik ah Federal Democracy caah thimh nak an tuah ṭhan lai. Atlawm bik kum 50-60 arau men tiah ka ruah keicu.

Cu caah khi can dih hnu ah Miphun Party vote ding nan ti mi cu: asi khawh hrim lo. Vawlei kan nun nak nih a phah zawh lai zong Amakhan khawh asi hnga maw? SNLD GS chimh mi btk in Miphun party vote can cu Nihin hi asi. Tu caan bak hi asi fawn. Lungṭhul lo tein; Kamlo Chuncha bang; Naisai lo Lai miphun le Lai mino tiah min chal buin: Miphun party dirhkam in TEINAK LIAN NGAN Kan hmuh hlan tiang. VIDEO