A Poi Ko! Ralkap Le Palik Nih Matupi Ah Pastor Telh In Minung Pahnih An Tlaih Hna

Myanmar News

The Hakha Post: Matupi ah ralkap le palek nih Bapist Mino pastor pa telh in minung pahnih an tlaih hna! Matupi peng khuate thanchonak zung riantuam SAC minung pakhat le Baptist khrihfabu mino pastor pa cu ralkap le palek nih 2021 March 10 zaan ah an tlaih hna tiah kan theih.

May be an image of sky and road

An tlaih mi hna kong he pehtlai in khuami pakhat nih, “An tlaih hna hi suimilaam 9:00PM tluk ah a si men lai. Lam an kal lio ah an tlaih mi hna an si. Thawng kan theih ning ah an mah pahnih lawng si dawh an si lo. Pastor pa hi cu biakinn in a kir lei ah an tlaih. An tlaih mi hi tam pah dawh an si” tiah a chim.

Tuzaan Matupi tlaih a tongmi hi minung pali hrawng an si lai tiah khuami nih an zumh. Minung pahnih cu tlaih an sinak a fiang cang nain pahnih tu hi cu aa fiang rih lo. Ralkap nih uknak a laak hnu Chin Ramkulh chung ah tlaihkhih a tongmi dihlak hi Minister le thimnak zung riantuan an tlaihmi hna telh in minung 70 an si i a tam deuh cu an thlah than cang hna.

Relchih: CNF/A le ralkap kong update! The Hakha Post nih “CNF/A le kawl ralkap Tlangpi khua ah an i tong” timi kha Tlangpi ah si loin lampi ah an i tong tiah thawngfiang an vun kan thanh than. Hmasa deuh kan tialmi kha nan kan theihthiampiak naklai kan in nawl hna. Upat hmaizahnak he The Hakha Post chungkhar

Leave a Reply