A poi ko: Nungak Sui Hlei Ṭial kum (19) Thantlang khuami nih khuachung luhpi an duh lo

Chin News

Ngaihchiatnak thawng- Malaysia chin ralzaam chungin thihfak tuk kan tong. Malaysia ah chin ralzam dirhmun in a ummi nungak Sui Hlei Ṭial kum (19) cu inn cungin a tla sual i a rianrannak in sizung ah an tlikpi ko nain siibawi nih khamh kho loin, mual a kan liam taak tiah kan theih.

Nungak Sui Hlei Ṭial kum (19) hi Thantlang peng, Tlangte kuami a si i Malaysia ah ralzaam dirhmun in a um ve mi a si. A bantukin mual a kan liam taak cu a poi tuk hringhran. Tantakmi chugkhar a tuarzia an thiamnak hnga thlacamnak in bawm cio hna usih.

Hi kong he pehtlai in an chimmi,“Malaysia Sungai Buloh sang a ummi, nungak Sui Hlei Ṭial kum (19) cu inncung in a tla sual i zahan zaan ah sizung in mual a kan liam taak. Nungak Sui Hlei Ṭial kum (19) hi Thantlang peng, Tlangte khuami a si. Tantakmi chungkhar kan ngaihpiatpi hna,” tiah a chim.

A ruak cu sizung lei nih ṭha tein zohfelnak an tuah, aherhmi thil vialte an rel dih hnuah nihin October 2, 2020 zaan suimilam 4:00PM tluk hrawngah chungkhar neihniam le upa , mino cheukhat hna nih thlacamnak e an thlahnak an tuah. A ruak zong tlamtling tein Thantlang lei a phan cang.

Yangon in mawtaw in a ruak cu ni hin than tlang ah an rak phorh na in lai pawng lung in khua chung luh an sianh ti hna lo. A ruak cu thantlang sia zuatnak hrawng ah sehci an cawh ter i mi nung pa (4) an va vui ter hna tiah theih a si. Hi kong he pehtlai in Mang Tin nih a tanglei bantukin a taarlangh.

“Ni hin Thil ka ton mi. Than Tlang. biak inn sang i khua a sa mi Pi Tluang Zi Fa nu Sui Hlei Tial cu malaysia ah inn cung in a tla i a thi A ruak kha malaysia um lai mi pawl nih an rak tawl rel i van lawng in myanmar ram ah an rak kuat. Yangon in mawtaw in a ruak cu ni hin thantlang ah an rak phorh na in lai pawng lung in khua chung luh an sianh ti hna lo.

“A ruak cu than tlang thang hrim sia zuat nak hrawng ah sehci an cawh ter i mi nung pa (4) an va vui ter hna.A vui tu zawng kha inn phan lo in guarentin ah an chiah cawlh hna. A tu lio hi cu kanchip le kan chep a tam cang ko. ram dang hmenh i a ruak van tlun pi cang ko mi chung khar hmenh i hmuh khawh tilo. A tu lio cu a ar in kan ar cio cang ko hih. Share cio khawh asi. Credit by MangTin (HC Daniel Biakuklian)

Leave a Reply