A Poi Ko. Mizoram Champhai Ah Lalṭhuama Nih A Nupi Lalnunziri A Thah: Nizan 12.02.2020 ah khan Champhai Vengsang Mualbawk pawngah Lalṭhuama nih a nupi Lalnunziri kum 48 cu a rianttuannak in a rak tlun lio ah zei biahmanh chim loin a nghawng ah nam in a saam i, Pi Lalnunziri hi cu a hmun ah a nunnak a liam colh.

Pawngkam mi nih an chimnak ahcun Lalṭhuama hi zu a ri i, a thluak a buai deuh ruangah asi,” tiin theih asi. Hi thahnawnnak kongah thil sining hlathlai lio asi. An chimnak ahcun a nunnak a liam mi nu Pi Lalnunziri pasal Lalțhuama hi nikum zong ah khan zu a dintuk ruangah a thluak a buai i amah le amah nam in a rak i sawh-saam bal cang mi asi.

That lei a panh cang ko nain thluak lei ah harsatnak a ngaih tikah atu bantukin ruah lo ngaiin a cawlcangh le thah nawnnak tiang a chuah phahnak hi si. Hi thil cang kongah khuami hna le YMA member hna nih chuah hnawh colh in Pi Lalnunziri ruak hi siizung ah kalpi colh asi i, a pasal lainawngtu hi Irrigation Office pawngah tlaih in thong ah kalpi colh a si. Ref: Champhai Blog