A Poi Ko: Malay Rammi Nih Ramdang Mi Paoh Tlaih Dingin Duhlonak An Langhter

World News

Malaysia rammi nih ramdang mi tlaih ding in sandah an piah. Malaysia ram chung NGOs pawl hruainak in Malaysia ramchung ah phungning loin a ummi pawl tlaih dih ding tiah lam an zawh tiah theih a si. Cu lawng si loin Malaysia ramchung ah company phunphun ah an mah rammi riantuan senh loin ramdang mi rian a tuanter tu boss pawl zong hlathlai si hna seh tiah an chim.

Malaysia ram ahhin phungning lo ramdang mi hi an tamtuk cang caah rian a har tuk cang. An mah Malaysia rammi ca zong rian a har cang. Cu caah a tulio an cozah nih ai hmaithlak mi cu phungning loin a ummi ramdang mi tlaih kha a si. Nifatin ti awk in operasi an lut in ramdang mi an tlaih cang hna.

January thla chung hi fak piin tlaihkhihnak an tuah lai zong zumh a si. Phungning loin a ummi hna nih ralrin taktak a herh cang. Malaysia ram ahhin kanmah Chinmi zong minung 70,000 reng lo hrawng kan um lai tiah zumh a si. Hi chung ah UNHCR card a ngeimi hi minung 20,000 fai hrawng lawng an si. Ref: CBN Daily News

Leave a Reply