Na sianginn ah kan thlah lai tiin GTC sianginn pawngah Pinkunglay nu cu a hawipa nih a tlaihhrem (a sualpi) tiah Kalaymyo Palik zung nih an langhter. Thil umtu ning cu GTC kumkhatnak sianginn kaimi Mai kum 19 nute cu February ni 2 chun ah a naupa nih sianginn ah Motorcycle in thlah dingin an kal.

Sanpiah khua an phak ah Mai i a hawipa GTC sianginn ah a kumkhatnak a kai ve liomi Robert Zirsangzel kum 19 le a hawipa nih cun Mai Motorcycle a citnak hmai ah cun an rak dir i keimah nih ka rak thlah tiin a Motorcycle cun a phurh i a kapi. Zaanlei sumilam 6 hrawngah GTC sianginn hnu ramlakah Robert Zirsangzela nih Mai cu a tlaihhrem tiah February ni 16 chun ah palik sinin theih a si.

A tlaihhremtu Robert Zersangzela zong palik nih an tlaih khawh cang tiah tuanvo ngeitu Palik bawi Zaw Tun nih a chim. Pinkhunglay hi Pinkhung khua ti zongin an auh i Kalaymyo Tada Oo Lilawn pawng Tivar khua pawngah a ummi a si. A poi ko hibantuk in mino tete nih hiti bantuk lungput kan ngeihmi hi attha lo ngaingai.

Note: Hi thawngpang hi Falam ca hakha holh in kan lehmi a si caah kan palhnak tete zong a um kho men nain nan kan theihthiamnak lai kan in nawlpat duh hna. Photo: Google