Malaysia ah Kawlpa nih Lainu a zam pi nak Ni(7) leng a si cang nain chungkhar lei nih Lainu an pehtlaih khawh lo caah lungre thei ngai in an um ko tiah theih asi. Kawlpa le Lainu hi Malaysia Penang ah rian a tuanti mi an si i rian an ṭuan nak ahcun aa duh mi an si. An i duhnak zong hi kumkhat hrawng cu a si cang tiah kan theih.

Kan hnuzarh September 18, 2020 ah khan an zaam hi a si cang nain nihin tiang an konglam an theih hna lo pin ah pehtlaihnak zong an tuah kho hna lo. “Kawlpa he kan zaam cang lai, ka duhtuk caah ka ṭhen kho lo tiah Lainu nih cun a hawile sin ah bia a chiah ta i September 18, 2020 in khan inn in a chuak” tiah theih asi.

Hi Lainu hi Kawlpa sin a zam hnu in a phone zong pehtlaih khawh a si ti lo. A caan te ah facebook online a tuah nain cakuat zong ah mi a let ti lo. Call zong a ngah lo pin ah a phone number zong in pehtlaihnak tuah a ngah lo ti asi.

Lainu pehtlaih khawh a si lo ruang ah a chungkhar pawl cu lungre thei ngai in an um ko. Ṭhen le khenkham kha an timh mi a si lem lo nain a tu bantuk pehtlaih khawh a si ti lo ruangah an lungre a theih ngai nak zong hi asi. Hi cabia hi Lain, Kawlpa he a zam mi nih a theih khawhnak ding ah rak share chin ve. Chirhchan: V.O.M Journal

Note: Hmanthlak hi kanmah nih Google ta kan lakchinmi kan taarmi a si.