Ngaihchiatnak thawng- Malaysia chin ralzaam chungin thihfak tuk kan tong. Malaysia ah chin ralzam dirhmun in a ummi nungak Sui Hlei Ṭial kum (19) cu inn cungin a tla sual i a rianrannak in sizung ah an tlikpi ko nain siibawi nih khamh kho loin, mual a kan liam taak tiah kan theih.

Nungak Sui Hlei Ṭial kum (19) hi Thantlang peng, Tlangte kuami a si i Malaysia ah ralzaam dirhmun in a um ve mi a si. A bantukin mual a kan liam taak cu a poi tuk hringhran. Tantakmi chugkhar a tuarzia an thiamnak hnga thlacamnak in bawm cio hna usih.

A ruak cu sizung lei nih ṭha tein zohfelnak an tuah, aherhmi thil vialte an rel dih hnuah nihin October 2, 2020 zaan suimilam 4:00PM tluk hrawngah chungkhar neihniam le upa , mino cheukhat hna nih thlacamnak e an thlahnak an tuah. A ruak zong tlamtling tein Thantlang lei a phan cang.

Yangon in mawtaw in a ruak cu ni hin than tlang ah an rak phorh na in lai pawng lung in khua chung luh an sianh ti hna lo. A ruak cu thantlang sia zuatnak hrawng ah sehci an cawh ter i mi nung pa (4) an va vui ter hna tiah theih a si. Hi kong he pehtlai in A ṭapaDavid Bawithahnin nih a tanglei bantukin a taarlangh.

“Kanau Nu Sui Hlei Tial kong ah|Thantlang hmanh a phan cang ko mi Ruak khuachung nan kan luh piak sian lo mi hi cu,Lung cu a fak ngai ko. Covid a ngeih le ngeih lo nan chek,A thih nak ruang zong nan hlet A sining nan theih ko.

A dam ko ii Inn cung sang in a tlak nak ah a nun nak a liam. Malay, Yongon,Mandalay,Hakha,Tiang hi Thantlang nak in khua ngan le khua rum an rak lut dih ko nain Thantlang khua chung tu ah cun A ngah lo ee zei tluk nawl len hna zong ah.

Thantlang khua hi mifim kan tam cem nain Khua Thangcho lo cem Ah ka hmuh zei ruang ah ti ah cun Mah ruah nak le Tuak nak hi a hman cem tiah kan i ruah i, Mi sifak le Milian kan i thleidang tuk. Minih ka cung ah tuah hna seh ti na duh bantuk khan midang cung zong ah tuah piak hi kan i zuam ve bak ding a si.