Irrawaddy tiva chung ah a thi mi Lai sianghngakchia Mai Esther ( kum 18) cu tu zaan tiang zong ah an hmun khawh rih lo ruang ah a nu le pa, anau le te le Lai siangchia chia minung pa(10) hna nih tiva pawngah an hngah ko tiah thawng theih a si.

Lai sianghlei run( Pakokku) thawng thanh tu nih ” tuni ah tilawng pa (4), tichung luh thhiam pawl, Police pawl, meithattu pawl le minung 100 leng nih chunni tlak zaansang lei tiang an kawl ko nain anhmu hlei lo. Tuzaan zong ah a mah a umnak Boarding ah thlacaamnak kan tuah piak ” tiah a ti.

Pakokku university ah ca a cawng lio mi Mai Esther cu january thla (26) zaan lei (4)hrawngah a hawi nu pawl he Irrawaddy tiva chungah an tum lioah ti tlaknak in athi. Amah cu Botany in fimnak a cawng liomi a si i kum (3) nak a kai liomi a si. Mai Esther cu Mindat pengkulh Katna khua mi a si i Matupi khualipi chak lei Khubawi veng ah a ummi U-Lawng Huam i a fanu a si.

Kum 2015-2016 ca cawn kum zongah Kanpalet khualipi in Lai sianghngakchia Irrawaddy tiva chun ah titlak nakin a rak thi bal cang tiah theih a si. Kanmah le kan umnak hmun cio in thlacamnak in bawm cio hna u sih. An fanute Esther ruak zong a rauh hlan ah an hmuh khawhnak hnga. Zalen