Nihin 10 Feb. 2020 ah Falam ah a ummi Sayamah Thuathuam le Saya Biak Cawm hna nih ngakttah sianginn i an cawmmi mi pakhat nih Kalaymyo ah fa an ngeih. Hi fa an ngeihmi naute hi a chuahka bak in a holh ti a si. Cu hngakchia chuakka naute nih a chimmi cu “Tuchun suimilam 12:00pm a tlin hlan ah arti pum chumhmi na ei a si ah cun a tu lio CoronaVirus zawtnak in na him lai” ti a si.

Cu bantuk in a chim khawh bak in a thi colh. Nau te a nu le pa nih Falam lei ah a ummi a cawmtu hna Sayamah Thuathuan cu phone in an van chimh, tiah theih a si.

Khuaruahhar ngai cu a si ve. Bible ah cun hi kong hi hmuh awk a umlo nain… Na zumh duhlo zong ah nangmah nawl. Na zumh duh a si zong hmanh ah a chimmi caan cu a luan cang. A zei a va si hmanh ah hi kong ah hin mi tampi an buai cio. Khuaruahhar ngai cu a si ve hrim ko.

Thawngpang hman rak rel chih: Tuni February 10 ah Laitlang le Lairam hmunkip ah tuni suimilam 12:00 hlanah arti pumkhat-1 nan ei ahcun Coronavirus zawtnak chungin nan luat lai timi thawngpang dik lo le thawngpang hman lo a chuak i mi tampi nih kan i zumh taktak.

Falam i Nazareth ngakṭah sianginn ngeitu nu Thuam Kip Ṭial nih a chimmi cu ” Tuzing ah khan ngakṭah kan cawmmi ngakchia pate hringtu a pa nih kan sianginn sayamah a ttuan lio mi Nukil cu phone in a rak chawnh i a chim mi cu ka naute kan khua ah ngakchia chuak ka te nih tulio zawtnak ṭihnung chungin nan luat khawh nakhnga tuchun suimilam 12:00 hlan ah Arti chumhmi pumkhat cio ei u,” tiah a rak chimh.

“Cu thawngpang cu Falam in Letpanchaung ah kapa cu chawnh in ka hei chimh. A hnacheh pah caah ka chimmi fiangfai tein a theih khawh lo caah a si lai. Coronavirus he pehtlaih zeihmanh a ngei lo. Biachawk vai le thawngpang dik lomi a si” Nu Thuam Kip Ṭial nih cun a chim chap.

Cu thawngpang cu aho paoh nih an theih i an zumh caah nulepa hna nih an fale cu chun suimilam 12:00 hlanah arti an chumhpiak hna i an ei hna lawng si loin anmah hrimhrim zong nih an ei hna. Cheukhat nih an chimning lehbang ahcun Hakha, Thantlang ah cun arti man a kai manh caah a ting tiang an i ting lo tiah an chim. Cucaah hi thawngpang hi a hman lomi a si i an i theihpalhmi a si caah na hawile sinah thawngpang dik a phak khawh nakhnga rak share cio uh. Credit: CinPak