Kachin kan unaupa Aungla Nsang cu tuzaan ah Netherands paṭhawng The Dutch Knight tiah an timi Reinier De Ridder nih Around khatnak ah fawi tein a tei ruangmang cang ee. Aung La Nsang cu taisawm pahnih ai putmi a si i tuzaan ah Reinier Ridder nih ONE Featherweight World Champion a tawisawmpi cu kilh veng kho loin a chuah diam ai. Reinier De Didder hi paṭhawng taktak a si ve.

Tutan ah Aungla Nsang lawng hmanh si loin, a hawipa Martin zong Round 3 nak ah knockout in a tei ve ṭhan. Aung La Nsang cu Reinier De Ridder nih a rounkhatnak bakah a tai ah a ke 2 in a reh i Aung La Nsang cu cawl kho loin a tuah hnuah, Aung La Nsang nih sungh a khan. ONE Featherweight World Champion thar cu De Ridder a si cang.

Thawngpang dang rak rel chih: Hakha Chin Oo Si Sang um Evan. Thang Zel inn an bauh tangka zeimawzet an lak. Hakha Chin Oo Si, Nichuahlei sang um Evan. Thang Zel inn cu, nihin 2020 October 29, chun suimilaam 10:00 in 11:00 karlak ah mifir nih an bauh i, tangka sing 4 hrawng an lak, tiah kan theih.

Evan. Thang Zel nih, “Kan nupa in Rual-U thlacamnak tlang ah, thlacam ah kan kal. Kan kal hi zing suimilaam 10:00 ah a si. Kan fanu sianginn cachim a tuan mi inn ah a um. Kan kal tlawmpal khan anih kha sayagyi pa nih a auh i, cazin tuak ah cikhatte a va kal khi a si. Inn zong tawh a hrenh ta dih. Caan sau a rau lo, a rak tin ahcun innka cu aa hung dih cang. Bizu chung ah tangka kan chiah mi sing 4 hrawng an lak,” tiah The Hakha Times ah a chim.

Atu bantuk in inn an bauh hi, atu lawng a si lo. An inn pawngkam zong atuletu an bauh lengmang hna. A bauhtu le a firtu hi mizeisat a si an thei rih lo. Cun, inn an bauh caan le thil an fir caan zong hi zaan ah si loin chung lawngte ah a si, tiah Sangmi cheukhat sin in kan theih. Hakha Times Daily Newspaper