Thangtlang peng, Tlanglo khuami Pi Van Bawi Hnem nih a cinmi aithing cu Hakha ah zuar dingin August 25 zaanlei sml 5pm ah Hakha an phak pi. Pi Van Bawi Hnem nih a rak phorhmi aithing cu Hakha, Pyidawthar market i thilzuarmi hna sinah an zuarh hna.

Zaanlei sang a si cang caah cuai 80 lawng an zuar manh. A tangmi salaeih tun 10 le tan (cuai 200 hrawng) cu a thaizing August 26 ah zuar tthan dingin market hmai ah an chiah tak. Hakha peng sipin nih nawl an buar tiin salaeih cu an lak i hmunthur rialnak motor in an rial dih.

Tutan ah Halkha peng Sipin lei nih silhnak nak lam an kawl ko lo hme maw tuhi, hiti ding in an kal ahcun, Halkha,Thantlang mipi dihlak nih lungkhat pu in aithing hrawhpiak a tongmi Pi Van Bawi Hnem te zong kan dirkamh hna a herh lai.

Tutan i a cangmi kong he pehtlai in thawng a zamhtu  Ṭha Kung Thang, Pi Van Bawi Hnem le Tlanglo khuami Pastor Van Tin Lian cu Halkha sipin lutlai nih a tanglei i kan taarmi bantukin cathanh chuah in ca an pek hna tiah kan theih.

Salai Van Dawt Lian: “Hakha Sipin lutlai nih Pi Van Bawi Hnem (Tlanglo) aithing rialnak kong he pehtlai in Tha Kung Thang (Madia thlahtu), Pi Van Bawi Hnem le Pastor Van Tin Lian cu August 4, 10AM ah zungah rak rat dingin a tanglei bantukin ca an pek hna. Mipi nih zulh khawh rak izuam hna u, duh lonak (sandah piah) in lamzawhnak hmanh Hakha Market hmai ah tuah a phu. Rak ttih hrim hlah u, upadi phung a buar tu cu anmah Sipin lila tu an si. Ramdang sisehlaw market rianttuan tu an phuah viar hna pinah ni 2, 3 market hmanh an khar men lai dah”.