Myanmar Idol Hruaitu Nih A Tinhmi A Nganh Bak Cang Hih, Kan Nau Le Caah Daithlan Awk Tha Ti Lo: Myanmar Idol hi kum 2016 thawk khan rak thawk si i, a hlawh zong a tling ngaingai. Atu ahcun Eain Mat Sone Yar le Melody Wolrd zuamnak hmanh in a minthang deuh cang. Myanmar Idol hi Shwe Thanlwin Company kal hmangin tuah mi siin, Shwe Thanlwin Company ngeitu hi Daw Nan Mouk Laung Saing asi. Kum 4 chung an tuah cang i, Season 1-4 tiang a um cang. Season 1 ah pakhatnak cu Saw Lah Htaw Wah si i, Season 2 ah Thar Nge asi. Cun, Season 3 cu Phyo Myat Aung si.

A cunglei kong he pehtlaiin Myanmar Idol Executive Director Daw Nan Mouk Laung Saing nih cun Myanmar Idol Season 4 kan dih hnu in Idol 4 kan ngei lai. American Idol he pehtlaihnak zong kan tuah lai i, Myanmar Idol Season 1-4 tiang Winner hna cu American Idol zuamnak ah i tel dingin kan nawl hna lai. Kan winner minung 4 hna hi vawlei cung huap zuamnak ah an i tel kho ve lai, cun Myanmar Idol zong nih a tinh bikmi cu mah hi asi,”tiah Press Show an tuahnak ah a chim.

 

Myanmar Idol Season 4 a zuam mi hna hi an dihlak in minung 30,000 leng an si i, khuapi panga, Taunggyi, Mandalay, Taungoo, Hpa-An le Yangon in thawk asi. hi vialte a zuam mi hna chungin atu ahcun minung 8 lawng an tang cang. A voikhatnak Season 1 a zuam mi dihlak hi minung 8,000 an si i, Season 2 ah minung 14,000, cun, Season 3 ah minung 20,000 nih min an pek.

 

Season 4 zuamnak ah Director hi Aung Ko Latt si i, Tin Zar Maw hi season 2-3 ah Judge a ttuan cang mi si. Cun, Phyu Phyu Kyaw Thein tu hi tukum lawngin judge a ttuan mi si. Hi kongah Phyu Phyu Kyaw Thein nih a chim mi cu, “Myanmar Idol zuamnak hi ralrin taktak in kan ttuan lai, minthannak le phaisa hmuhnak, nak in hlasak thiam serchuah tu hi kan timh deuh mi asi,”tiah a chim.

 

Sinain atu an kalpi mi zoh tikah mipi lungtling mi an tlawmcang. A ruang cu tutan Myanmar Idol an kalpi ning cu a dik/hman mi hruainak le zuamnak si lo, mah phaisa hmuhnak le hlawhnak men ruangah an tuahmi si a fiangtuk cang’tiah fak piin soisel si cang. Mah hi a chuahnak ruang bik cu, Tan Kun Kyaw a tlakmi le Esther le Aye Myat Phyu Bottom 3 tthutnak i an tthutter hna ruangah a chuak mi si. A ruang cu anmah hi tutan Myanmar Idol Winner dingah zumh bik mi an si tikah hi bantuk thil a tlun ruangah si bik ko.

 

Mah kong he pehtlaiin tutan Myanmar Idol zuamnak hi ruah ning bantukin a theipar chuak kho lo men. Phaisa hmuhnak le mirum sifak timi thleidennak a um tikah kan zumh bikmi hna zong khi top 3 hmanh phan loin a tlami an um te lai. Mirum si ruang men ah winner hna an pek sual hna ahcun a cunglei chim bantukin American Idol hna ah an i tel tikah cun thiamnak in aa telmi si loin phaisa ruangah a telmi an si lai caah mualpho a fawite lai hih.

 

Cucaah kanmah Chinmi chungin kan nau le a tangmi pathum hna vote peknak kong zongah kan i ralrin dingmi cu Kawl mirum pa nih phiasa mah cu zat dih in ka pek lai, a nih caah mah cu ka tuahpiak lai tiah an chim lenmi zong khi kan zumh thlu ding si lo, an tuahpiak taktak hna le kan i lawm chinchin, nain thil um kho mi cu tla hna seh ti an duhnak ruangah an chim mi zong si kho men. Mah ruangah bantuk thawngpang kan theih zongah hnangam ding kan si hlei lo, an dongh tiang tha pe rih ko hna usih. Lawmhnak he BT Lian