A Poi Kho Taktak Kalaymyo Ah Laipa (Chinpa) Kut In Siittha Lo Hursi Ting 200 Reng Lo Man An Tlaih A Ruang An Hal Tikah

Thawngpang

A Poi Kho Taktak Kalaymyo Ah Laipa (Chinpa) Kut In Siittha Lo Hursi Ting 200 Reng Lo Man An Tlaih A Ruang An Hal Tikah

Kalay peng Chaungkhuah khua ah palik le zohfeltu pawl rianttuantti nakin Kalaymyo leiin a rami Bike an rak dir ter i an zohfel tikah hursi ting 200 leng man an tlaih tiah theih asi.Thil umtuning cu October ni 6 ah Kalaymyo in Chauh Khuah lei panh in a a kalmi mawttaw cycle (Bike) cu zohfeltu pawl nih an rak kham. Cuticun Bike mawngtu U Ngun Sum Thang, Sekan khuami kum 42 cu hmundang in Bike mawngh in a tli. Zohfeltu pawl nih an dawi i an tlaih hnuah a thil phurhmi an zohfel tikah hursi tlang 7800 an hmuh i tlangkhat ah 3000 kyats man asi i a zah tein cun 23,400,000 kyats man a si.

Palik pawl nih U Ngun Sum Thang cu bia an hal tikah ” Sekan khua i a ummi Pu Thawng Nei Thang nih ting 2 nih a ka pek i a ka phurhtermi a si” tiah a chim. U Ngun Sum Thang nih a chim bantukin Sekan khua i a ummi Pu Thawng Nei Thang te inn ah an kal hnawh i U Thawng Nei Thang cu a rak zam manh tiah theih asi.

U Thawng Nei Thang cu a rak zam manh nain, palik pawl nih U Ngun Sum Thang he case an tuahpiak tthiamtthiam tiah theih a si. Kawlca i an ttialmi Laica in kan leh tthanmi a si ruangah ttial palh sualmi a um sual ahcun nan kan ngaithiamnak lai kan in nawl duh hna. Ref: Zalen

Leave a Reply