A Poi Kho Taktak: Japan Ah Kawlrammi An I That A Hawipa Nih Nam In A Hawipa A Thah

Thawngpang

Japan ah rianttuan pah in siang a kaimi Kawlrammi pahnih hna cu, bia an i al i a hawipa pakhat nih a hawipa cu thinhun tukah a thah tiah theih a si.

February ni 16, zaan suimilam 4 hrawngah Kaung Kyaw Htet (kum 28) le Ye Htet Zaw (Kum 25) cu thil pakhat kongah i theihthiam lonak ngeiin bia an i al i Kaung Kyaw Htet nih a hawipa Ye Htet Zaw cu a hnulei ah nam in a sawh i Ye Htet Zaw cu a hmun ah a nunnak a liam cawlh tiah theih a si.

Kaung Kyaw Htet cu a hawipa a thah hnuah thinphang in a um i a zaam taak tiah theih a si fawn. Ye Htet Zaw cu rianttuannak i a kal lo tikah rianttuantu dang nih a umnak cu an va zoh tikah a ruak in an rak char. Cu cang ka cun palik sinah theihter cawlh a si i lainawngtu Kaung Kyaw Htet cu palik nih TV Channel thawngzamhnak hmangin le News Paper hmangin kawl a si i caan saupi an kawl hnuah Kaung Kyaw Htet cu an hmuh i an tlaih khawh tiah theih a si.

Kaung Kyaw Htet le Ye Htet Zaw hna hawikom hna hi Japan an phaknak caan a sau rih lo thlakhat fai lawng a si rih. Palik nih lainawng Kaung Kyaw Htet cu zeitindah an buaining a si timi biahalnak an ngeih cuahmah lio a si.

Leave a Reply