A Poi Kho Taktak: Canada Ah A Cang Bal Lomi Thil A Cang I Minung 18 Nunnak A Liam

Thawngpang

Coronavirus ruang ah vawlei mipi vialte awlokchong in um lio ah Canada, Nova Scotia ah a cang bal lomi thil a cang. Minung 18 paoh cu an thi lai tiah an chim. Nova Scotia Premier Stephen McNeil nih thawngzamhtu sin ah a chimmi cu hi bantuk in a cangmi hi kan umnak ramtthen ah a cang bal lomi thil a si. Hi bantuk thil cang hi cu hlan ah cun kan tuanbia ah a um bal loh. Mihrut ruahnak a ngei lomi cawlcangh a si tiah a chim.

After Nova Scotia Shooting, Families Mourn as Police Seek a Motive ...

Royal Canadian Mounted Police (RCMP) nih an chimning in police mui bantuk in a mui ai hlengmi meithal keng pakhat nih Nova Scotia ah mipi a kah hna. Nu pakhat telh in minung 18 hrawng paoh cu an thi. Kan hnu nirukni suimilam 12 ah khan Nova Scotia hmun kenkip ah i chok in mi cu a kah hna. A kahmi hna a tamdeuh cu tinhmi zong ngei huaha lem lo in a kah thluahmahmi hna an si tiah police pawl nih an ruah. Police pawl he an i kah hnu ah hi mithatpa cu kahthah a si tiah an chim. An chim chih rihmi cu hi mipa hi police mawtaw he ai lomi ai mongh tiah an chim chih.

Canadian Prime Minister Justin Trudeau nih a chimmi cu hi lainawnnak le kahthahnak a chuakmi hi ngaihchia ngaingai a si. Canada ram chung ah hin zei bantuk puarthaunak le entainak hmanh kan tu lo. Kan in dirpi hna i nan ngaihchiatnak kan in hrawmpi hna tiah cacawn nikhatni biachimnak a ngeih lio ah thihnak tuarmi chungkhar hna sin ah hnemhnak bia a chim.

Nova Scotia gunman shot dead after at least 18 killed in ...

PM Trudeau nih kan cozah nih hriamnaam khamnak ding kong hi parliament ah kan chuahpi hnik cuahmah lio a si. Coronavirus kong ah kan buai tuk lio ah si rih caah a si. Hi kan buainakpi hin kan van i hlihphuah khawh deuh rihlo caah a si. Thil tampi hmailei ah kalpi ding in timhtuahmi kan ngei ko tiah a chim.Ref: BBC

Leave a Reply