By Salai Lairamthang ||05|Biangreithlep15|2020|| Obama le a minung pawl nih FBI hmang in President Trump I National Security Advisor a rak tuannmi, Michael Flynn cu hranhram in sual an phawt ruangah Obama le a riantuan hawi minung 4 tluk cu Senate Judiciary committee nih auh in bia hal dawh a si. An sualnak an hmuh hna ahcun thongtla kho dirhmun an phan kho.

Michael Flynn cu FBI nih Lohan Act upadi hmang in Russia ambassador a chonh ruangah taza an cuaimi a si Asinain FBI pawl nih an tuahcop mi a si kha Department of Justice Department nih an hngalh caah an tazacuai mi cu an hnon piak thanmi a si. Mah vialte thil sual an tuahmi hi Obama fialmi a si kho tiah an zumh.

Thawngpang dang rak rel chih:Reopening America. Coronavirus zawtnak hi a thiang cikcek timi cu a um lai ka zum lo. Ikhamhnak si le a damnak si hmuh chuah hi a biapi bikmi a si tiah ka ruah. Cumpi tlangrai hmanh hi a cihmih dih taktak khawh a si lo. Kanmah tein kan iralrin le kanmah tuanvo kan ilaaknak cungah tampi a hngatmi a si.

Virus ruangah US ram pumpi in phih le khar a si. MInung thong 85 renglo kan thi i, minung 1.4 million deng mizaw kan ngei. Minung million 36.5 tluk rian ngei lo kan si. Thla 3 chung kan i phih khar hnu ah White House coronavirus task force nih guideline an tuahmi ning in state governor hna nawl ngeihnak hmang in on a si. Republican nih Govenor an tuannak state ahcun an on thlu ti awk a si. Thaizing zanlei sumilam 5 thawk in Maryland zong Stay At Home order a dih cang lai i, on hram kan thawk ve cang lai. Democrats Governor an si nak state ah stay at home le lock down a um rih.

State 10 ah State At Home” order a nung rih. Mah state hna cu, Massachusetts, Rhode Island, Connecticut, New Jersey, New York, Maryland, Norh Carolina, Illinois, Louisiana le Oregon state ah a si. Mah state pawl hi democrats party pawl an thawnak le an chahnak state pawl an si. Partial reopening planned timi a ong rih lo nain a cheubang on dingah timhlamhnak a ngei liomi state hna cu, California, Michigan Kentucky, Virginia le Delaware an si. Mah state pawl zong hi democrats pawl an chahnak hmun deuh an si.

On hram a thawk cangmi hi state 35 an si. Mah state 35 chungah Oregon, New Mexico, Luisziana, Louisiana, Mississippi, Kentucky, Virginia, Connecticut le Vermont ah an on cang. A dang poah hi acheu bang an onmi, Partial Reopening an si. Mah state 35 chung ah hin a tam deuh cu Republican pawl an thawnnak le an chahnak state tam deuh a si. Republican nih hin sipuazi hi tha an pek deuhmi a lo. Democrats state tam deuh nih hin federal cozah sin in bawmhnak hmuh an duh caah on zau an duh lo. Asinain Republican party cozah an sinak state ahcun ‘white house task force hna nih an tuahmi guideline ning tein on hram an thawk.