A Nupi Nithum Chungah Online Ah A Zuar A Man Zong Tlawmte A Zuarnak Cu Zaangfak Ngai Asi

Thawngpang

Mah nupi hna zuar taktak ko hi cu aww. Phaisa cu ahopoh nih kan duh dih ko nain hibantuk phaisa duh le ram cu ttihnung taktak khi asi. A nupi bak Online ah ni 3 chung hlan khawh asi tiah a tar. A tuhman cu a rauh hlan ah a zun cawlh ko, mi ttha lo cu an luat kho taktak bal lo.

Santoso kum 29 hi General Labourer rianttuanmi asi i nikhat ah US $3 (India in 250) hrawng lawng a hlawh khawh i atu i a nupi nu he hin an i umnak hi kum 9 leng asi cang i fa te zong an ngei cang. A ni hlawh le a tlawm tuk ruangah an ei cawlh lengmang i, an fanu le sianginn kai ter an duh ve asinain phaisa an ngeih lo ruangah kai ter loin an um.

Facebook-Online ah a nupi cu nithum chung caah $100 (Rs 7000) hrawng in a zuar. Hiti a nupi online ah a zuar ti palik nih an theih cu pa cu an va tlaih cawlh. Cuticun palik nih an nupa in Office ah an kalpi hna i, an thil tuahmi hi capo sawhsawh bia maw si, siloah biatak dah asi ti an hal tikah i pheh lo tein an nupa nih cun a hmanning tein an chim ve. Santoso nih cun, ka nupi hi ka dawt i amah zong nih a ka dawt ve. Hi thil na tuahnak ruangah cu ka fanu ka zaaangfak tuk caah asi.

Kan fanu nih sianginn kai a duh tuk nain chiahnak ding phaisa kan le kan ngei fawn lo. Kan nupa in bia kan i ruah i atu bantuk thil kan tuahnak aruang hi asi tiah an chim. A nupi nu cu a hman le hman lo an hal tikah a lehmi hna cu ” ka pasal nih a chimmi hi ahmanmi asi ko, kan pahnih lungtling tein kan tuahmi thil asi”, tiah a chim ve. Biaceihzung nih a nupi cu an tthlah. Asinain a pasal tu cu thong an tthlak, zeitik tiang dah a tlak lai timi theih asi rih lo.

Leave a Reply