A Niam Bik Tthutnak Bottom 3 Ah Ka Tthut Ruangah Bawipa Na Cungah Kaa Lawm. Benjamin Sum: Kan Theih bantukin Myanmar Idol Season 4 Top 5 zuamnak result cu December 13 zanah phuan si i, Chinmi an pathum ning tein a niam bik bottom 3 ah an pathum ning tein an tthu hna.

Mah bottom 3 tthutnak ah Benjasim Sum, Esther Dawt Chin Sun le Yaw Kee tiin an tthu hna nain vanchiat ah Yaw Kee cu tla in Benjamin Sum le Esther cu Top 4 ah an kai tthan nain Yaw Kee tu nih hin Myanmar Idol zuamnak cu a chuah tak ko nain Wild Card hmangin auh khawh tthan asi tikah a dirhmun zei a lawh lai timi cu mipi vote ah aa hngatmi asi.

Myanmar Idol Top o result phuan lio ah a niambik dirhmun tthutnak a tthut ruangah Benjamin Sum nih Pathian sinah lunglawmhnak bia a chim. Zeitik caan paoh ah lunglawmhnak bia a chim peng ding kan si, harsatnak kan tonmi zong hi thluachuahnak petu ding an timi hi kan theih peng ding asi.

Benjamin Sum: Bawipa na zaangfah zawnruahnak hi ka caah a tling dih. Zeibantuk dirhmun ka um caan zongah lawmh zia ka thiam. Asinain ka caah a thinphang mi hna le ka zawn a ka ruattu hna sinah biakamh kan duh hna, hi hnu pinah lei a ttha bik a ra cang lai. Thazaang a ka petu le vote in a ka dirkamhtu nan dihlak cungah lunglawmhnak tampi ka ngei,”tiah a donghnak bik a a chim. Ref: WMF